ନୂଆଦିଲ୍ଲୀ: ଭାରତୀୟସେନା ଚିନ୍ ସହ ମୁକାବିଲା କରିବା ପାଇଁ ନିର୍ମାଣ କରିଛି ମୁନସ୍ୟାରୀ- ମିଲମ୍ । ଯାହାଫଳରେ ଚିନ୍ ଭାରତୀୟ ସେନାକୁ ତୁରନ୍ତ ସୀମାରେ ପହଞ୍ଚିବା ପାଇଁ ଆହୁରି ଅଧିକ ସହଜ ହୋଇଯିବ। ଏହାର କାରଣ ହେବ ବହୁପ୍ରତିକ୍ଷୀତ ମୁନସ୍ୟାରୀ-ମିଲମ୍ ସଡ଼କ, ଯାହାକୁ ୨୦୨୩ରେ ଶେଷ କରାଯିବାକୁ ଭାରତ ସରକାର ଲକ୍ଷ୍ୟ ରଖିଛନ୍ତି। ତେବେ ଉତ୍ତରାଖଣ୍ଡରେ ୨୦୧୨ରୁ ନିର୍ମାଣାଧୀନ ସଡ଼କର କାମ ୨୦୨୩ ସୁଦ୍ଧା ଶେଷ ହୋଇଯିବ ବୋଲି ଗଣମାଧ୍ୟମକୁ କହିଛନ୍ତି ସୀମା ସଡ଼କ ସଂଗଠନର ଜଣେ ବରିଷ୍ଠ ଅଧିକାରୀ ଏମ୍ଏନ୍ବି ପ୍ରସାଦ ।
ସେ ଆହୁରି ମଧ୍ୟ କହିଛନ୍ତି ଯେ, ଉଚ୍ଚ ପାହାଡ଼ରେ ନିର୍ମାଣାଧୀନ ସଡ଼କ ୨୦୨୧ ପର୍ଯ୍ୟନ୍ତ ପୂରା କରିବାକୁ ଲକ୍ଷ୍ୟ ରଖାଯାଇଥିଲା। କିନ୍ତୁ ବଡ଼ ବଡ଼ ଚଟାଣ ଯୋଗୁଁ ନିର୍ମାଣ କାମରେ ବାଧା ସୃଷ୍ଟି ହେବାରୁ ତାହା ସ୍ଥଗିତ କରାଯାଇଥିଲା। ଅନ୍ୟପଟରେ ପ୍ରବଳ ଶୀତ ଏବଂ କୋଭିଡ୍ କାରଣରୁ ମଧ୍ୟ ନିର୍ମାଣ କାମ ମଝିରେ ମଝିରେ ବନ୍ଦ ରହୁଛି। ସୂଚନା ଅନୁଯାୟୀ , ଭାରତ ଓ ଚୀନ୍ ମଧ୍ୟରେ ଦୀର୍ଘ ଦିନରୁ ସୀମାକୁ ନେଇ ବିବାଦ ଲାଗିରହିଛି। ତେଣୁ ସୀମାରେ ସହଜରେ ପହଞ୍ଚିବା ପାଇଁ ଏହି ୬୫ କିଲୋମଟିର ବିଶିଷ୍ଟ ସଡ଼କ ନିର୍ମାଣ କାମ ସାରିବା ନିହାତି ଆବଶ୍ୟକ ।
