କ୍ରିକେଟର ବଦଲା ହକିରେ ନେଲା ଭାରତ । ଢାକାରେ ଚାଲିଥିବା ଏସିଆନ୍ ଚମ୍ପିଅନ୍ସ ଟ୍ରଫି ମୁକାବିଲାରେ ପାକିସ୍ତାନକୁ କଡା ଜବାବ ଦେଇଛି ଡିଫେଣ୍ଡିଂ ଚାମ୍ପିଅନ ଭାରତ । ୩-୧ ଗୋଲରେ ଭାରତ ପାକିସ୍ତାନକୁ ପରାସ୍ତ କରିଛି । ଏହାପରେ ସେମିଫାଇନାଲରେ ଭାରତର ସ୍ଥାନ ପକ୍କା ହୋଇଛି ।
ଭାରତରୁ ହରମନପ୍ରୀତ ସିଂହ ଦୁଇଟି ଗୋଲ୍ ଦେଇଥିବା ବେଳେ ଆକାଶଦୀପ ସିଂହ ଗୋଟିଏ ଗୋଲ୍ ଦେଇଥିଲେ । ଏହି ବିଜୟ ସହ ଭାରତ ତିନୋଟି ମ୍ୟାଚ ଖେଳି ୭ ପଏଣ୍ଟ ହାସଲ କରିଛି । ଏହି ମ୍ୟାଚରେ ଭାରତ ଆରମ୍ଭରୁ ଆକ୍ରମଣାତ୍ମକ ଖେଳିଥିଲା । ପ୍ରଥମେ ଦୁଇଟି ଗୋଲ୍ ଦେଇ ଭାରତ ଆଗରେ ଥିଲା । ହେଲେ ମ୍ୟାଚର ୪୫ ମିନିଟରେ ପାକିସ୍ତାନର ଜୁନେଦ ମଞ୍ଜୁର ଗୋଟିଏ ଗୋଲ୍ ଦେବାରେ ସଫଳ ହୋଇଥିଲେ । ହେଲେ ଚତୁର୍ଥ କ୍ୱାର୍ଟରରେ ୫୩ ମିନିଟରେ ହରମନପ୍ରୀତ୍ ଗୋଟିଏ ପେନାଲ୍ଟି କର୍ଣ୍ଣରକୁ ଗୋଲରେ ପରିଣତ କରିଥିଲେ । ଏହାପରେ ଭାରତ ୩-୧ରେ ପାକିସ୍ତାନ ବିପକ୍ଷରେ ଲିଡ୍ ନେଇଥିଲା । ଖେଳ ଶେଷ ପର୍ଯ୍ୟନ୍ତ ଭାରତୀୟ ଟିମ୍ ଡିଫେନ୍ସ କରିବାରୁ ପାକିସ୍ତାନ ଗୋଟିଏ ବି ଗୋଲ୍ ଦେବାରେ ସଫଳ ହୋଇନଥିଲ।। ଏହାପୂର୍ବରୁ ଏହି ଟୁର୍ଣ୍ଣାମେଂଟରେ ଦକ୍ଷିଣ କୋରିଆ ବିରୋଧରେ ଭାରତ ୨-୨ରେ ମ୍ୟାଚ ଡ୍ର ହୋଇଥିଲ।। ଏହାପରେ ବଂଲାଦେଶକୁ ୯-୦ରେ ହରାଇଥିଲ।। ଅକ୍ଟୋବର ୨୪ରେ ଟି-୨୦ ବିଶ୍ୱକପରେ ଭାରତକୁ ୧୦ ୱିକେଟରେ ପରାସ୍ତ କରିଥିଲା । ପ୍ରଥମ ଥର ପାଇଁ ବିଶ୍ୱକପରେ ଭାରତକୁ ହରାଇ ପାକିସ୍ତାନ ରେକର୍ଡ କରିଥିଲ।।