ମାଲକାନଗିରି: ବିଏସ୍ଏଫ୍ ଜମାନଙ୍କ କମ୍ବିଂ ବେଳେ ଜବତ ହେଲା ଚୀନ ନିର୍ମିତ ଦୁଇଟି ବାଇନାକୁଲାର ଓ ୫ଟି ଆଇଇଡି । ବୋମା ଗୁଡ଼ିକ ଉଦ୍ଧାର କରିବା ପରେ ସୁରକ୍ଷା କର୍ମୀ ଦଳ ସେଗୁଡ଼ିକୁ ନିସ୍କ୍ରିୟ କରିଛନ୍ତି । ମାଲକାନଗିରି ଜିଲ୍ଲା ସ୍ୱାଭିମାନ ଅଞ୍ଚଳ ସ୍ଥିତ କୋଢ଼ିଗନ୍ଦି ଜଙ୍ଗଲରୁ ଏହି ସବୁ ଉଦ୍ଧାର କରିଛନ୍ତି ବିଏସ୍ଏଫ୍ ଜବାନ । ଯାହାକି ମାଲକାନଗିରି ସ୍ଥିତ ଘନବେଡ଼ା ଠାରେ ନୂତନ ବିଏସ୍ଏଫ୍ କ୍ୟାମ୍ପ ସ୍ଥାପନ ହେବା ପରଠାରୁ ଆନ୍ଧ୍ର- ସଡ଼ିଶା ସୀମାରେ କମ୍ବିଂ ଅପରେସନ ଜୋରଦାର ହୋଇଛି ।
ଖବର ଅନୁଯାୟୀ, ବିଏସ୍ଏଫ୍ ଜବାନମାନେ ବିଶେଷ ସୂତ୍ରରୁ ଖବର ପାଇଁ ଏହି ଅଞ୍ଚଳରେ ସର୍ଚ୍ଚ ଅପରେସନ୍ କରିଥିଲେ । ସେହି ଅପରେସନ ବେଳେ ଏକ ଗାତ ମଧ୍ୟରୁ ୫ଟି ଲ୍ୟାଣ୍ଡମାଇନ୍ ସହିତ ବିପୁଳ ମାଓ ସାମଗ୍ରୀ ଜବତ କରିଛନ୍ତି । ନକମ୫ସଲମାନେ ଏହି ବୋମାକୁ ଜବାନ କିମ୍ବା କୌଣସି ସେତୁକୁ ନଷ୍ଟ କରିବାକୁ ରଖିଥାଇପାରନ୍ତି ବୋଲି ଅନୁମାନ କରାଯାଉଛି ।
