କଟକ: ସର୍ତ୍ତମୂଳକ ଜାମିନ ପାଲଲେ ସାଂସଦ ଜୁଏଲ୍ ଓରାମ । ଦଳର ମହିଳା କର୍ମୀ ଗୌରୀ ମୁଣ୍ଡାରୀଙ୍କୁ ଦୁର୍ବ୍ୟବହାର କରିଥିବା ଅଭିଯୋଗ ହୋଇଥିଲା । ଏ ନେଇ ମହିଳା କର୍ମୀ ଜଣକ ଝିରପାଣି ଥାନାରେ ଏତଲା ଦେଇଥିଲେ । ଏ ନେଇ ପୋଲିସ ପକ୍ଷରୁ ମାମଲାର ତଦନ୍ତ ଚାଲିଥିବା ବେଳେ, ଆଗୁଆ ଜାମିନ ପାଇଁ ଜୁଏଲ୍ ହାଇକୋର୍ଟରେ ଦ୍ୱାରସ୍ତ ହୋଇଥିଲେ । ତେବେ ହାଇକୋର୍ଟ ତାଙ୍କୁ ସର୍ତ୍ତମୂଳକ ଜାମିନ ଦେଇଛନ୍ତି ।
ସୂଚନାନୁଯାୟୀ, ସୁନ୍ଦରଗଡ଼ ଜିଲ୍ଲାର ଗୌରୀ ମୁଣ୍ଡାରୀ ନାମକ ଜଣେ ଯୁବତୀ ପଞ୍ଚାୟତ ନିର୍ବାଚନରେ ସରପଞ୍ଚ ପ୍ରାର୍ଥୀ ଭାବେ ଛିଡ଼ା ହେଉଥିବାରୁ ସମର୍ଥନ ପାଇଁ ନିବେଦନ କରିବାକୁ ଜୁଏଲଙ୍କୁ ଫୋନ୍ କରିଥିଲେ । କିନ୍ତୁ ଜୁଏଲ ତାଙ୍କୁ ସମର୍ଥନ ବଦଳରେ ଫୋନରେ ଦୁର୍ବ୍ୟବହାର କରିଥିଲେ । ଏହି ଅଭିଯୋଗରେ ଗୌରୀ ରାଉରକେଲା ସେକ୍ଟର- ୩ ରେ ଥିବା ବିଜେପି ପାର୍ଟି ଅଫିସରେ ଭଙ୍ଗାରୁଜା କରିବା ସହ ପୋଲିସରେ ଅଭିଯୋଗ କରିଥିଲେ । ଏ ନେଇ ଦଫା ୨୯୪ ଓ ୫୦୯ ଅନୁଯାୟୀ ମାମଲା ରୁଜୁ କରି ତଦନ୍ତ କରୁଛି ଝିରପାଣି ପୋଲିସ । ଏହି ମାମଲାରେ ଗିରଫ ହେବା ଭୟରେ ଆଗୁଆ ଜାମିନ ଅବେଦନ କରିଥିଲେ ଜୁଏଲ । ତେବେ ତାଙ୍କୁ ହାଇକୋର୍ଟ ଏକ ସର୍ତ୍ତମୂଳକ ଜାମିଦ ପ୍ରଦାନ କରିଛନ୍ତି ।
