ରାଉରକେଲା: ଓଡ଼ିଶାରେ ପହଞ୍ଚିଛି ଆସି ଚୀନର ଗୁଇନ୍ଦା ପାରା । ଏହି ପାରାଟିକୁ ରାଉରକେଲା କାଂଶବାହାଲରୁ ଉଦ୍ଧାର କରାଯାଇଛି । ଏହି ପାରାଟି ସାଧାରଣ ପାରା ଠାରୁ ବେସ ବଡ଼ ଦେଖାଯାଉଥିବା ବେଳେ, ପାରା ଗୋଡ଼ରେ ଚୀନର ଏକ ଟ୍ୟାଗ ଲାଗିଛି । ଯେଉଁଥିରେ ଚୀନ ଭାଷାର କିଛି ଲେଖା ଥିବା ବେଳେ ନିର୍ଦ୍ଧିଷଟ ସିରିଏଲ ନମ୍ବର ମଧ୍ୟ ଲେଖା ରହିଛି । ତେଣୁ ଏହି ପାରାକୁ ଚୀନର ଗୁଇନ୍ଦା ପାରା ବୋଲି କୁହାଯାଉଛି ।
ତେବେ ପାରାଟି ଏତେ ଦୂର ଚୀନରୁ ଏଠାକୁ କିପରି ଆସିଲା ଏବଂ ତାହା ଗୋଡ଼ରେ ଲାଗିଥିବା ଟ୍ୟାଗଟି ଏକ ଟ୍ରାକର ହୋଇଥାଇପାରେ ବୋଲି ମଧ୍ୟ ସନ୍ଦେହ କରାଯାଉଛି । ଏହି ପାରାକୁ ଗୁପ୍ତଚର ହିସାବରେ ବ୍ୟବହାର କରାଯାଇ ଥାଇପାରେ ବୋଲି ମଧ୍ୟ ସନ୍ଦେହ ଉପୁଜିଛି ।
ଏହି ପାରାଟିକୁ ପ୍ରଥମେ କାଂଶବାହାଲର ସର୍ବେଶ୍ୱର ଛୋଟରାୟ ଦେଖିଥିଲେ । ପାରାଟି ତାଙ୍କ ଘରେ ଆସି ବସିଥିଲା । ଅନ୍ୟ ପାରାଙ୍କ ଠାରୁ ଏହା ବଡ଼ ଦେଖାଯାଉଥିବା ବେଳେ ତା ଗୋଡ଼ର ଟ୍ୟାଗକୁ ଦେଖି ସର୍ବେଶ୍ୱର ତାକୁ ଖାଇବାକୁ ଦେଇ ନିଜ ପାଖରେ ରଖିଥିଲେ । ପରେ ଏହି ଚୀନ ଟ୍ୟାଗ ଦେଖି ସନ୍ଦେହ ହେବାରୁ ପୋଲିସ୍ ଖବର ଦେଇଥିଲେ । ଚୀନର ଏହି ପାରାଟିକୁ ଦେଖିବା ପାଇଁ ସ୍ଥାନୀୟ ଲୋକେ ଭିଡ଼ ଜମାଇଥିଲେ ।
