ଭୁବନେଶ୍ୱର: ବଦଳିଲା ପ୍ରଥମରୁ ପଞ୍ଚମ ଶ୍ରେଣୀ ସ୍କୁଲ ଖୋଲିବା ନିସ୍ପତ୍ତି । ଆସନ୍ତା ୩ ତାରିଖରେ ପ୍ରାଥମିକ ସ୍କୁଲ ଖୋଲିବା ନେଇ ନିସ୍ପତ୍ତି ନେଇଥିବା ବେଳେ ବର୍ତ୍ତମାନର ପରିସ୍ଥିତିକୁ ନଜରରେ ରଖି ତାହା ପୁଣି ସ୍ଥଗିତ କରିଛନ୍ତି ରାଜ୍ୟ ସରକାର ।
ବିଦ୍ୟାଳୟ ଓ ଗଣ ଶିକ୍ଷା ବିଭାଗ ପକ୍ଷରୁ ମିଳିଥିବା ସୂଚନା ଅନୁଯାୟୀ, ଆସନ୍ତା କାଲି ଠାରୁ ୨୩ ହଜାର ସ୍କୁଲ୍ ଖୋଲିବାକୁ ପୁର୍ବ ନିର୍ଦ୍ଦେଶ କରାଯାଇଥିଲା । ଏବଂ ଅନ୍ୟ ୩୦୯୩ ବିଦ୍ୟାଳୟ ଜାନୁଆରୀ ୧୦ ରେ ଖୋଲିବାକୁ ମଧ୍ୟ ନିସ୍ପତ୍ତି ହୋଇଥିଲା । ସେନେଇ ସମସ୍ତ ପ୍ରସ୍ତୁତି ମଧ୍ୟ ସରିଥିଲା । କିନ୍ତୁ ବର୍ତ୍ତମାନର ପରିସ୍ଥିତିକୁ ଦୃଷ୍ଟିରେ ରଖି ସାମୁୟିକ ଭାବେ ଏହି ନିସ୍ପତ୍ତିକୁ ସ୍ଥଗିତ କରାଯାଇଛି । ବିଶେଷ କରି ଗତ ଦୁଇ ଦିନରେ ରାଜ୍ୟର କରୋନା ସଂକ୍ରମଣ ବୃଦ୍ଧି ଚିନ୍ତାର କାରଣ ପାଲଟିଛି । ଏହି ସଂକ୍ରମଣକୁ ନଜରରେ ରଖି ରାଜ୍ୟ ସରକାର ଏପରି ନିସ୍ପତ୍ତି ନେଇଛନ୍ତି ।
ତେବେ ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସମୀର ଦାଶ କହିଛନ୍ତି ଯେ, ନୋଡାଲ ଅଫିସରମାନେ ସମସ୍ତ ବିଦ୍ୟାଳୟର କ୍ଷେତ୍ର ପରିଦର୍ଶନ କରିବା ସହ ଅଭିଭାବକଙ୍କ ସହ ଆଲୋଚନା ମଧ୍ୟ କରିଥିଲେ । ସେଥିରେ କିଛି ଅଭିଭାବକ ଅସନ୍ତୁଷ୍ଟ ମଧ୍ୟ ଥିବା ଦେଖାଯାଇଥିଲା ।
