ଭୁବନେଶ୍ୱର: ଭାରତୀୟ ସିନେ ଜଗତର ଏକ ବହୁ ଚର୍ଚ୍ଚିତ କଳାକାର କପିଲ ଶର୍ମା ଏବେ ରାଜଧାନୀ ଭୁବନେଶ୍ୱରରେ ଡେଲିଭରି ବଏ ଭାବେ କାମ କରୁଛନ୍ତି । ଆଜ୍ଞା ହଁ ନିର୍ଦ୍ଦେଶିକ ନନ୍ଦିତା ଦାସଙ୍କ ଆଗାମୀ ଫିଲ୍ମର ସୁଟିଂ ଭୁବନେଶ୍ୱରରେ ହେଉଥିବା ବେଳେ, ଫିଲ୍ମର ଲିଡ୍ ରୋଲରେ ଅଛନ୍ତି ବଲିଓଡ଼ର ଜଣେ ନାମିଦାମୀ ସେଲିବ୍ରିଟି ତଥା କମେଡ଼ି ଷ୍ଟାର କପିଲ ଶର୍ମା । ସେ ଜଣେ ଡେଲିଭରି ବଏ ଚରିତ୍ର ନିଭାଉଥିବା ବେଳେ, ବାଇକ ସହ କାନ୍ଧରେ ଏକ ଡେଲିଭରି ବ୍ୟାଗ ଧରି ଭୁବନେଶ୍ୱରର ଗଳିକନ୍ଦିରେ ବୁଲଉଥିବାର ନଜର ଆସିଛନ୍ତି ।
ତେବେ ଫିଲ୍ମଟି ଓଡ଼ିଆଙ୍କ ଜୀବନ ଶୈଳୀ ଉପରେ ଆଧାରିତ । ତେଣୁ ଏହା ଓଡ଼ିଶରେ ସୁଟିଂ ଚାଲିଥିବା ଜଣାପଡ଼ିଛି । କପିଲଙ୍କ ସହ ତାଙ୍କର ପୁରା ଟିମ୍ ଓଡ଼ିଶାରେ ପହଞ୍ଚି ସୁଟିଂ ଆରମ୍ଭ କରିଛନ୍ତି । ଫିଲ୍ମରେ ଡେଲିଭରି ବଏ ଚରିତ୍ରର ସିନକୁ ରିଆଲିଷ୍ଟିକ୍ କରିବା ପାଇଁ ଭୁବନେଶ୍ୱରର ବିଭିନ୍ନ ରେଷ୍ଟୋରାଣ୍ଟରେ ଏହାର ସୁଟିଂ ଚାଲିଥିବା ଖେିବାକୁ ମଳିଛି । ନନ୍ଦିତା ଦାସଙ୍କ ଦ୍ୱାରା ନିର୍ଦ୍ଦେଶିତ ଏହି ଫିଲ୍ମର କପିଲଙ୍କ ସହ ହିରୋଇନ୍ ଭୂମିକାରେ ନଜର ଅସିବେ ସାୟନୀ ଗୁପ୍ତା । ସୁଟିଂ ଚାଲିଥିବା ଏହି ଫିଲ୍ମର ଏଯାଏ ଆନୁଷ୍ଠାନିକ ଭାବେ କୌଣସି ଟାଇଟଲ ଦିଆଯାଇ ନଥିବା ବେଳେ, ଏହା ଓଟିଟି ପ୍ଲାଟ ଫର୍ମରେ ରିଲିଜ୍ କରାଯିବାକୁ ଯୋଜନା ଥିବା ସୂଚନା ରହିଛି ।
