ଭୁବନେଶ୍ୱର: ଆସନ୍ତା ଫେବୃଆରୀ ୭ ତାରଖରୁ ରାଜ୍ୟର ସମସ୍ତ ଶିକ୍ଷାନୁଷ୍ଠାନ ଖୋଲିବ । ସେ ନେଇ ସମସ୍ତ ପ୍ରସ୍ତୁତି ଆମ୍ଭ ହୋଇଯାଇଛି । ତେଣୁ ସମସ୍ତ ଜିଲ୍ଲା ଶିକ୍ଷା ଅଧୀକାରୀଙ୍କୁ ବିଭାଗ ପକ୍ଷରୁ ଚିଠି ଲେଖାଯାଇଛି । ଏ ନେଇ ସ୍କୁଲ ଓ ଗଣଶିକ୍ଷା ମନ୍ତ୍ରୀ ସମୀର ଦାଶ ସୂଚନା ଦେଇଛନ୍ତି । ସେ କହିଛନ୍ତି ଯେ, ସ୍କୁଲ ଓ କଲେଜରେ କରୋନା କଟକଣାକୁ କଡ଼ାକଡ଼ିଭାବେ ପାଳନ କରାଯିବ । ଏହା ସହ ସମସ୍ତ ବ୍ୟବସ୍ଥାକୁ ପାଳନ କରିବାକୁ ଡିଇଓଙ୍କୁ ନିର୍ଦ୍ଦେଶ ଦିଆଯାଇଛି ।
ତେବେ ସ୍କୁଲ, କଲେଜ ସହ ସମ୍ପୃକ୍ତ ହଷ୍ଟେଲ ମଧ୍ୟ ଖୋଲିବ । ପିଲାମାନେ ଚାହିଁଲେ ଅଫଳାଇନ୍ କିମ୍ବା ଅନଲାଇନ୍ କ୍ଲାସ କରିପାରିବେ । ପାଠପଢ଼ାକୁ ତ୍ୱରାନ୍ୱିତ କରିବାକୁ ବିଭିନ୍ନ ବ୍ରିଜ୍ କୋର୍ସ କରିବାକୁ ପରାମର୍ଶ ଦିଆଯାଇଛି । ଅବଶ୍ୟକ ପଡ଼ିଲେ ଖରା ଛୁଟିର ଅବଧି କମାଇ ପାରିବେ ।
