ନବରଙ୍ଗପୁର: ନବରଙ୍ଗପୁର ଜିଲ୍ଲା ହିରଲିସ୍ଥିତ ନୁତନ ମଣ୍ଡେଇ ପଡ଼ଆରେ ୧୦୦ ତମ ପ୍ରତିଷ୍ଠା ଦିବସକୁ ସଂକଳ୍ପ ଦିବସ ରୂପେ ପାଳନ କରିଥିଲା ଜିଲ୍ଲା କଂଗ୍ରେସ । ଏହି ଅବସରରେ କଂଗ୍ରେସ ନେତା କହ୍ନେୟା କୁମାର ଅତିଥି ଭାବେ ଯୋଗ ଦେଇ ତାଙ୍କର ଅଭିଭାଷଣ ଦେଇଥିଲେ । ଯାହାକୁ ବିରୋଧ କରିଥିଲା ହିନ୍ଦୁ ଏକତା ବାହିନୀ । ଫଳରେ କହ୍ନେୟାଙ୍କ ଅଭିଭାଷଣ ପରେ ଦେଶ ଦ୍ରୋହର ଆଖ୍ୟା ଦେଇ ସେହି ସ୍ଥାନକୁ ଗଙ୍ଗାଜଳ ପକାଇ ସୁଦ୍ଧି କରଣ କରିଥିଲା ଜିଲ୍ଲା ହିନ୍ଦୁ ଏକତା ବାହିନୀ । ଏପରି ଏକ ଭିଡ଼ିଓ ସୋଶାଲ ମିଡିଆରେ ଭାଇରାଲ ହେବାରେ ଲାଗିଛି ।
ଏହି ଶୁଦ୍ଧିକରଣ ଭାଇରାଲ ଭିଡିଓରେ ଯୁବକମାନେ ନିଜକୁ ନବରଙ୍ଗପୁର ସହରର ସଚେତନ ନାଗରି ବୋଲି କହିବା ସହ କହ୍ନେୟାଙ୍କୁ ଦେଶଦ୍ରୋହୀ ଆଖ୍ୟା ଦେଇଥିଲେ । କହ୍ନେୟା ଜେଏନ୍ୟୁର ଛାତ୍ର ଥିବା ବେଳେ, ଟୁକଡେ ଗ୍ୟାଙ୍ଗର ପ୍ରମୁଖ ସଦସ୍ୟ ଭାବେ ତାହାର ନେତୃତ୍ୱ ନେଇ ଦେଶ ବିରୋଧି ନାରା ଦେଇଥିଲେ ବୋଲି ଅଭିଯୋଗ କରିଥିଲା ହିନ୍ଦୁ ଏକତା ବାହିନୀ । ନବରଙ୍ଗପୁର ଭଳି ଏକ ସହିତ ପବିତ୍ର ମାଟିରେ ଏପରି ଏକ ଦେଶ ଦ୍ରୋହୀଙ୍କ ପାଦ ପଡ଼ିବା ଦ୍ୱାରା ଏହି ସ୍ଥାନ ଅପବିତ୍ର ହୋଇଯାଇଛି । ତେଣୁ ଗଙ୍ଗାଜଳ ପକାଇ ତାହାକୁ ପବିତ୍ର କରିଥିବା ସେମାନେ କହିଛନ୍ତି ।
