ବଲାଙ୍ଗୀର : ବଲାଙ୍ଗୀର ନକଲି ସାର୍ଟିଫିକେଟ ମାମଲାରେ କ୍ରାଇଣବ୍ରାଞ୍ଚର ତନାଘନା । କ୍ରାଇମବ୍ରାଞ୍ଚ ଡିଏସପି ଦେବବ୍ରତ ଚକ୍ରଙ୍କ ଗଣମାଧ୍ୟମକୁ ପ୍ରତିକ୍ରିୟା । ରିମାଣ୍ଡରୁ ବହୁତ ତଥ୍ୟ ମିଳିଛି କହିଲେ କ୍ରାଇମବ୍ରାଞ୍ଚ ଡିଏସପି ।
ଗୋଟିଏ ସପ୍ତାହ ହେବ ବଲାଙ୍ଗିରରେ ତଦନ୍ତ କରୁଛି କ୍ରାଇମବ୍ରାଞ୍ଚ । ଗତକାଲି ଦୁଇ ପର୍ୟ୍ୟାୟରେ ବଲାଙ୍ଗିର ଟାଉନ ଥାନାରେ ଜାଲ ସାର୍ଟିଫିକେଟର ମୁଖ୍ୟ ଅଭିଯୁକ୍ତ ମନୋଜ ମିଶ୍ରଙ୍କ ସ୍ତ୍ରୀ ପୂଜା ମିଶ୍ର ଓ ଅନ୍ୟତମ ଅଭିଯୁକ୍ତ ଆଲୋକ ଉଦ୍ଗାଥାଙ୍କ ସ୍ତ୍ରୀ ସୋନିଆ ଉଦ୍ଗାଥାଙ୍କୁ ପଚରାଉଚୁରା କରିଥିଲେ କ୍ରାଇମବ୍ରାଞ୍ଚର ମହିଳା ଅଧିକାରୀ । ଉଭୟଙ୍କୁ ଅର୍ଥନୈତିକ କାରବାର ବିଷୟରେ ପଚାରିଥିବା ଜଣାପଡିଛି । ଏହି ଘଟଣାରେ ଅନେକ ନୂଆଁ ନୂଆଁ ତଥ୍ୟ ପାଇଛି କ୍ରାଇମବ୍ରାଞ୍ଚ । ଏବେ ତଦନ୍ତ ଜାରି ରହିଥିବାରୁ ଅଧିକ ତଥ୍ୟ ଦେବାକୁ ମନା କରିଛନ୍ତି । ଜାଲ ସାର୍ଟିଫିକେଟ ଘଟଣାର ମାଷ୍ଟର ମାଇଣ୍ଡ ମନୋଜ ମିଶ୍ର , ଆଲୋକ ଉଦ୍ଗାତ , ତ୍ରିବିହାରି ପଣ୍ଡା ଓ ପରେସ ବୁଡେକକୁ ରିମାଣ୍ଡ ରେ ଆଣି ନକଲି ସାର୍ଟିଫିକେଟର ଅସଲି ତଥ୍ୟ ଖୋଜିଛି କ୍ରାଇମବ୍ରାଞ୍ଚ ଟିମ ।
