ଶ୍ରୀନଗର: ଶୋପିଆନରେ ସୁରକ୍ଷାକର୍ମୀଙ୍କ ଏନକାଉଣ୍ଟରରେ ଦୁଇ ଆତଙ୍କବାଦୀ ନିହତ ହୋଇଛନ୍ତି । ଏହା ଜମ୍ମୁ- କଶ୍ମୀରରେ ହୋଇଥିବା ଆତଙ୍କବାଦ ବିରୋଧୀ ଅପରେଶନ୍ ଅଲଆଉଟରେ ମିଳିତ ଅପରେସନ ବେଳେ ଘଟିଥିବା ଜଣାପଡ଼ିଛି ।
ସୁୂଚନାନୁଯାୟୀ, ସ୍ଥାନୀୟ ଚୌଗାମରେ କିଛି ଆତଙ୍କବାଦୀ ଲୁଚିଥିବା ନେଇ ଖବର ମିଳିବା ପରେ ମିଳିତ ସୁରକ୍ଷାକର୍ମୀଙ୍କ ଦ୍ୱାରା ଏହି ଅପରେସନ ଆରମ୍ଭ କରାଯାଇଥିଲା । ସୁରକ୍ଷାମର୍କୀଙ୍କ ଦ୍ୱାରା ଘେରାବନ୍ଦୀ ଆରମ୍ଭ ହେବା ପରେ, ସେମାନଙ୍କୁ ଆତ୍ମ ସମର୍ପଣ କରିବାକୁ ନିର୍ଦ୍ଦେଶ ଦିଆଯାଇଥିଲା । ଏହି ସତର୍କ ସୂଚନା ପରେ ଆତଙ୍କବାଦୀମାନେ ସୁରକ୍ଷାକର୍ମୀଙ୍କ ଉପରକୁ ପ୍ରଥମେ ଗୁଳି ଚାଳନା କରିଥିଲେ । ତେଣୁ ସୁରକ୍ଷାକର୍ମୀମାନେ ମଧ୍ୟ ପାଲଟା ଗୁଳି ଚାଳନା କରିଥିଲେ । ସେହି ଗୁଳି ବିନିମୟରେ ଆଙ୍କବାଦୀଙ୍କ ମଧ୍ୟରୁ ୨ ଜଣ ପ୍ରାଣ ହରାଇଥିବା ବେଳେ ସେମାନଙ୍କଠାରୁ ଗୋଳା ବାରୁଦ ସମେତ ବନ୍ଧୁକ ଓ କିଛି ଅଫୁଟା ଗୁଳି ମଧ୍ୟ ଜବତ ହୋଇଥିବା କଶ୍ମୀର ପୋଲିସ ପକ୍ଷରୁ ସୂଚନା ରହିଛି । ତେବେ ଏନେଇ ସର୍ଚ୍ଚ ଅପରେସନ ଜାରି ରହିଛି ।
