ପୁରୀ : ଚିତ୍ତରଞ୍ଜନ ମୃତ୍ୟୁ ମାମଲାରୁ ଖୁବ୍ ଶୀଘ୍ର ପରଦା ହଟିବ । କ୍ରାଇମବ୍ରାଞ୍ଚ ସିସିଟିଭି ଫୁଟେଜ, ଭିସେରା ଟେଷ୍ଟ, ପୋଷ୍ଟ ମର୍ଟନ ରିପୋର୍ଟ ସଂଗ୍ରହ କରିଛି । ତେବେ ଏହି ଘଟଣାରେ ସମ୍ପୃକ୍ତ ଥିବା ମୁଖ୍ୟ ଅଭିଯୁକ୍ତ ଜଗା ଏ ନେଇ ୧୨ ଦିନ ହେବ ପୋଲିସ ହେପାଜତରେ ଅଛି ।
ସୂଚନା ଅନୁଯାୟୀ, ଘଟଣାର ୧୨ ଦିନ ପରେ କ୍ରାଇମବ୍ରାଞ୍ଚ ହାତରେ ଲାଗିଛି ବଡ଼ ପ୍ରମାଣ । ଯେତେବେଳେ ହତ୍ୟା କାଣ୍ଡ ହୋଇଥିଲା, ସେତେବେଳେ କେଉଁମାନେ ଜଗାକୁ ସାହାଯ୍ୟ କରିଥିଲେ । କେଉଁଠି ଓ କିଭଳି ଭାବରେ ଷଡଯନ୍ତ୍ର କରିଥିଲେ । ତେବେ ଆଜି ସୁଦ୍ଧା ଏହାର ପ୍ରମାଣ ଯୋଗାଡ଼ କରିବାରେ ପୋଲିସ ସମର୍ଥ ହେବ ବୋଲି ଜଣେ ବରିଷ୍ଠ ଅଧିକାରୀ ସୂଚନା ଦେଇଛନ୍ତି । ଏ ନେଇ ଦିନେ ଦୁଇଦିନ ଭିତରେ ଏକ ସାମ୍ବାଦିକ ସମ୍ମିଳନୀ କରି କ୍ରାଇମବ୍ରାଞ୍ଚ ଚିତ୍ତରଞ୍ଜନ ପଲେଇଙ୍କ ମୃତ୍ୟୁର ରହସ୍ୟ ଖୋଲିବ ବୋଲି ସୂଚନା ମିଳିଛି । ତେବେ ଗତ ୧୩ ତାରିଖ ଦିନ ପୁରୀ ସାନନଈ ନିକଟରେ ଚିତ୍ତରଞ୍ଜନଙ୍କ ମୃତ ଦେହ ମିଳିବା ପରେ, ତାଙ୍କୁ ହତ୍ୟା କରାଯାଇଛି ବୋଲି ପରିବାର ଲୋକେ ଅଭିଯୋଗ କରୁଛନ୍ତି ।
