ରାଇକିଆ : ବଡ ଦିନ ପାଇଁ ରଙ୍ଗୀନ୍ ଆଲୋକରେ ସୁସଜ୍ଜିତ କରାଯାଇଛି କନ୍ଧମାଳ ଜିଲ୍ଲା । ପ୍ରଭୁ ଯୀଶୁ ଖ୍ରୀଷ୍ଟଙ୍କ ପର୍ବ ହୋଇଥିବାରୁ ସମସ୍ତେ ବେସ୍ ଉତ୍ସାହର ସହ ଅନେଇ ବସି ଥାଆନ୍ତି ଏହି ଦିନଟିକୁ ପାଳନ କରିବାପାଇଁ । ଏଥି ସହ ସମସ୍ତେ ଆତ୍ମୀୟତା ଭାବରଖି ବେସ୍ ଉତ୍ସାହର ସହ ଏହି ଦିନଟିକୁ ପାଳନ କରିଥାନ୍ତି । ତେବେ ରାତି ପାହିଲେ ବଡ଼ ଦିନ । ତେଣୁ ଚର୍ଚ୍ଚ ଗୁଡିକୁ ବେସ୍ ସୁନ୍ଦର ଭାବରେ ରଙ୍ଗୀନ୍ ଆଲୋକରେ ସୁସଜ୍ଜିତ କରାଯାଇଛି ।
ସୂଚନା ଅନୁଯାୟୀ, କୋଭିଡ କଟକଣା ଭିତରେ ଅଳ୍ପ ଶ୍ରଦ୍ଧାଳୁଙ୍କୁ ନେଇ ବଡଦିନ ପାଳନ କରାଯିବ । ଏବଂ ପ୍ରତିବର୍ଷ ଭଳି ଚଳିତ ବର୍ଷ ମଧ୍ୟ ଜିଲ୍ଲା ପୋଲିସ ପ୍ରଶାସନ ପକ୍ଷରୁ କଡା ସୁରକ୍ଷା କରାଯିବ । ତେଣୁ ସବୁ ଜିଲ୍ଲାରେ ଶାନ୍ତି ବଜାଇ ରଖିବାପାଇଁ ଫ୍ଲାଗ ମାର୍ଚ୍ଚ କରାଯାଇଛି । ତେବେ ଜିଲ୍ଲା ଗୁଡିକୁ ସଂଯୋଗ କରୁଥିବା ବିଭିନ୍ନ ପଥରେ ନାକାବନ୍ଦୀ ସହ ସହରର ଛକ ଗୁଡିକରେ ଚେକିଂ କରାଯିବ ବୋଲି ଫୁଲବାଣୀ ଏସଡିପିଓ ମହେନ୍ଦ୍ରନାଥ ମୁର୍ମୁ ସୂଚନା ଦେଇଛନ୍ତି ।
