କାମାକ୍ଷାନଗର : ବିଦ୍ୟୁତ ସର୍ଟସର୍କିଟରୁ ନିଆଁଲାଗି ଭୟାବହ ଅଗ୍ନିକାଣ୍ଡ ଘଟିଛି । ଘଟଣାଟି ଘଟିଛି ଢେଙ୍କାନାଳ ଜିଲ୍ଲା ଚାନ୍ଦପୁର ପଞ୍ଚାୟତ ଖଇରପଶି ଗ୍ରାମରେ । ଏହି ଦୁର୍ଘଟଣାରେ ବାପ-ପୁଅ ଗୁରୁତର ଅବସ୍ଥାରେ ଥିବାବେଳେ ୩ବଖରା ଘର,ଆସବାବପାତ୍ର, ଧାନ ଓ ଚାଉଳ ସହ ଅନେକ ଆବଶ୍ୟକୀୟ କାଗଜପତ୍ର ଜଳି ପୋଡି ପାଉଁଶ ହୋଇଯାଇଥିବା ଜଣା ପଡ଼ିଛି । ଖବର ପାଇ ପରଜଙ୍ଗ ଅଗ୍ନିଶମ ବାହିନୀ ଘଟଣାସ୍ଥଳରେ ପଂହଁଚି ନିଆଁକୁ ଆୟର୍ତ୍ତ କରିଥିଲେ ।
ଏଥିରେ ଖଇରପଶି ହରିଜନ ସାହିର ଚତୁର୍ଭୁଜ ନାୟକ ଏବଂ ପୁଅ ରାକେଶ ନାୟକ ଗୁରୁତର ହୋଇଥିବା ବେଳେ, ଉଭୟଙ୍କୁ ଆମ୍ବୁଲାନ୍ସ ଯୋଗେ ମେଡିକାଲରେ ଭର୍ତ୍ତି କରାଯାଇଛି । ଏନେଇ ସେମାନଙ୍କୁ ସରକାରୀ ସହାୟତା ଯୋଗାଇ ଦେବାପାଇଁ ସ୍ଥାନୀୟ ଲୋକେ ଦାବୀ କରିଛନ୍ତି ।
