କିଙ୍ଗ୍ ଖାନ୍ ଶାହାରୁଖ ଙ୍କ ଶେଷ ଚଳଚ୍ଚିତ୍ର ଥିଲା ‘ଜିରୋ’। ୨୦୧୮ ମସିହାରେ ଡିସେମ୍ବର ୧୮ରେ ମୁକ୍ତିଲାଭ କରିଥିବା ଏହି ଫିଲ୍ମ ବକ୍ସ ଅଫିସରେ ଉଠିପାରି ନଥିଲା। ଏହା ପରେ, ଶାହାରୁଖ ଖାନଙ୍କ ଭାଗ୍ୟ ଆକାଶରେ କରୋନା ଏବଂ ବିବାଦର ଗ୍ରହଣ ଲାଗିଗଲା ଆଉ ଏହାରି ଭିତରେ ୪ ବର୍ଷ ବିତିଗଲା। ଏବେ ଶାହରୁଖ ପୁଣି ପରଦାକୁ ଫେରିବାକୁ ଯାଉଛନ୍ତି। ତାଙ୍କ ଫିଲ୍ମ ‘ପଠାନ’ ୨୫ ଜାନୁୟାରୀ ୨୦୨୩ରେ ମୁକ୍ତିଲାଭ କରିବାକୁ ଯାଉଛି।
ନିକଟରେ ପଠାନର ‘ବେଶରମ୍ ରଙ୍ଗ୍’ ଗୀତ ରିଲିଜ୍ ହେବା ମାତ୍ରେ ଶାହାରୁଖ ବିରୋଧର ଶିକାର ହୋଇଥିଲେ। ଏହି ଗୀତରେ ଦୀପିକାଙ୍କ ବିକିନି ଠାରୁ ଆରମ୍ଭ କରି ଶାହାରୁଖଙ୍କ ଡ୍ୟାନ୍ସ ମୁଭ୍ସ ପର୍ଯ୍ୟନ୍ତ ସେ ପ୍ରଶ୍ନ ପ୍ରଶ୍ନ ବାଣର ଶିକାର ହେଉଥିବା ଦେଖାଯାଆନ୍ତି। ସୁପରଷ୍ଟାର ଶାହାରୁଖ ଖାନଙ୍କ ଫିଲ୍ମ ରିଲିଜ ହେବା ପୂର୍ବରୁ ତାଙ୍କୁ ଲୋକମାନଙ୍କ ବିରୋଧର ସମ୍ମୁଖୀନ ହେବାକୁ ପଡିଛି।
ସୋସିଆଲ ମିଡିଆ ରେ ସୃଷ୍ଟି ହୋଇଥିବା ବିରୋଧର ଝଡ଼ ମଧ୍ୟରେ ‘ପଠାନ’ ସ୍ଥିତିକୁ ନେଇ ପ୍ରଶ୍ନବାଚୀ ରହିଛି। କିନ୍ତୁ ଆରମ୍ଭରୁ ବିପର୍ଯ୍ୟୟ ପରି ଦେଖାଯାଉଥିବା ଏହି ବିରୋଧ ଶାହରୁଖ ଖାନଙ୍କ ପାଇଁ ଏକ ସୁଯୋଗ ବୋଲି ପ୍ରମାଣିତ ହୋଇଛି।
