ସୁନ୍ଦରଗଡ଼: ଝିଅକୁ ହତ୍ୟା କଲା ନିଜ ଜନ୍ମ କଲା ମା’ । ଏପରି ଘଟଣା ଘଟିଛି ସୁନ୍ଦରଗଡ଼ ଜିଲ୍ଲା ହେମଗିରି ଥାନା ଅନ୍ତର୍ଗତ କଲାମେଘା ଥଇଥାନ କଲୋନୀ ଅଞ୍ଚଳରେ । ପାରିବାରିକ କଳହକୁ କେନ୍ଦ୍ର କରି ନିଜ ୧୭ ବର୍ଷ ବୟସର ନାବାଳିକା ଝିଅକୁ ଶିଳପୁଆରେ ଛେଚି ହତ୍ୟା କରିବା ପରେ ନିଜେ ଅତ୍ମହତ୍ୟା ଉଦ୍ୟମ କାରିଛି ବିଧବା ମା’ ।
ସୂଚନାନୁଯାୟୀ, ସ୍ୱାମୀଙ୍କ ମୃତ୍ୟୁ ପରେ ମା’ ଓ ଛିଅ ଦୁହେଁ ଏକାଠି ରହୁଥିଲେ । ଝିଅ ସବୁବେଳେ ମୋବାଇଲରେ ପୁଅମାନଙ୍କ ସହ ଗପୁଥିଲା । ଯାହାକୁ ମା’ ସବୁବେଳେ ବିରୋଧ କରିଆସିୁଥିବା ସତ୍ତ୍ୱେ ସେ ମାନୁନଥିଲା । ସେପଟେ ବାପାଙ୍କ ମୃତ୍ୟୁ ପରେ ମା’ ର ମଧ୍ୟ ଅନ୍ୟ ଜଣେ ପୁରୁଷଙ୍କ ସହିତ ସମ୍ପର୍କ ଥିବା ନେଇ ଝିଅ ସନ୍ଦେହ କରୁଥିଲା । ଯାହାକୁ ନେଇ ଦୁହେଁ ଅଧିକାଂଶ ସମୟ ଝଘଡ଼ା ଲାଗୁଥିଲେ ।
ତେବେ ଗତ ଶୁକ୍ରବାର ଝିଅ ମୋବାଇଲରେ ଗପୁଥିବାର ଦେଖି ମା’ ବାରଣ କରିଥିଲା । ଝିଅ ନ ମାନିବାକୁ ଦୁହେଁ ଝଗଡ଼ା ଲାଗିଥିଲେ । ଶେଷରେ ମା ରାଗିଯାଇ ପାଖର ଥିବା ଶିଳ ପୁଆରେ ଝିଅର ମୁଣ୍ଡକୁ ପିଟି ଦେଇଥିଲା ଫଳରେ ଘଟରା ସ୍ଥଳରେ ଝିଅର ମୃତ୍ୟୁ ଘଟିଥିଲା । ଏହା ପରେ ମା’ ମଧ୍ୟ ନିଜେ ଅତ୍ମହତ୍ୟା କରିବା ପାଇଁ ୟୁରିଆ ସାର ଖାଇଦେଇଥିଲା । ଏନେଇ ପୋଲିସ ଖବର ପାଇବା ପରେ ଘଟଣା ସ୍ଥଳରେ ପହଞ୍ଚି ଝିଅର ମୃତ ଶରୀରକୁ ଜବତ କରଛି ଏବଂ ଆତ୍ମହତ୍ୟା ଉଦ୍ୟମ କରିଥିବା ମା’କୁ ଉଦ୍ଧାର କରି ମେଡିକାଲରେ ଭର୍ତ୍ତି କରିବା ସହ ଘଟଣାର ତଦନ୍ତ କରୁଛି ।
