ଆଜାଦୀ କା ଅମୃତ ମହୋତ୍ସବରେ ଅଂଶବିଶେଷ ଭାବେ ଆରମ୍ଭ ହୋଇଥିବା ହର୍-ଘର୍-ତ୍ରିରଙ୍ଗା ଅଭିଯାନ ଆସନ୍ତାକାଲି ପର୍ପ୍ୟନ୍ତ ଚାଲିବ । ନିଜ ନିଜ ଘରେ ତ୍ରିରଙ୍ଗା ଉଡାଇ ଦେଶ ସ୍ୱାଧୀନତାର ୭୫ ବର୍ଷ ପାଳନ କରିବା ଲକ୍ଷ୍ୟରେ ଶନିବାର ଠାରୁ ଆରମ୍ଭ ହୋଇଥିବା ହର୍-ଘର୍-ତ୍ରିରଙ୍ଗା ଅଭିଯାନ ସାରା ଦେଶରେ ଉଚ୍ଛ୍ୱସିତ ସମର୍ଥନ ମିଳିଛି ।
ଏହି ଅଭିଯାନ ପ୍ରତି ଲୋକମାନଙ୍କର ଉଚ୍ଛ୍ୱସିତ ସମର୍ଥନରେ ନରେନ୍ଦ୍ର ମୋଦୀ ଆନନ୍ଦ ପ୍ରକାଶ କରିବା ସହ ଟ୍ୱିଟ୍ କରି ଶ୍ରୀ ମୋଦୀ କହିଛନ୍ତି ସମାଜର ବିଭିନ୍ନ ବର୍ଗର ଲୋକମାନେ ବହୁସଂଖ୍ୟାରେ ଏହି ଅଭିଯାନରେ ଅଂଶଗ୍ରହଣ କରିବା ଅତ୍ୟନ୍ତ ଆନନ୍ଦର ବିଷୟ । ହର୍-ଘର୍-ତ୍ରିରଙ୍ଗା ଡଟ୍ କମ୍ ଜରିଆରେ ତ୍ରିରଙ୍ଗା ପତାକାର ଫଟୋ ଉଠାଇବାକୁ ପ୍ରଧାନମନ୍ତ୍ରୀ ସମସ୍ତଙ୍କୁ ପରାମର୍ଶ ଦେଇଛନ୍ତି ।
