ଭୂବନେଶ୍ୱର, ୨ା୮: କୁହାଯାଏ ଗୁରୁ ବ୍ରହ୍ମା, ଗୁରୁ ବିଷ୍ଣୁ, ଗୁରୁଦେବ ମହେଶ୍ୱର । ଗୁରୁ ହିଁ ଏକ ମାତ୍ର ପଥ ପ୍ରଦର୍ଶକ ଛାତ୍ର/ଛାତ୍ରୀଙ୍କ ଭବିଷ୍ୟ ଗଢିବାରେ । ମାତ୍ର ଏ କିପରିକା ଗୁରୁ ? ଯାହାଙ୍କ ନାମରେ ଛାତ୍ରୀଙ୍କୁ ଶାରିରୀକ ଓ ମାନସିକ ନିର୍ଯ୍ୟାତନା ଦେଇ ନିଜର କାମନା ବାସନାକୁ ଚରିତାର୍ଥ କରିବା ଭଳି ଲଜ୍ଜା ଜନକ ଅଭିଯୋଗ । ଏଭଳି ଜଣେ ଅଧ୍ୟାପକଙ୍କ ନାମରେ ଏବେ ସଂଗୀନ ଅଭିଯୋଗ ।
ଯିଏ କି ଛାତ୍ରୀଙ୍କୁ ଯୌନ ନିର୍ଯ୍ୟାତନା ଦେଇ ଏବେ ହରଡ ଘଣାରେ । ଏଭଳି ସଂଗୀନ ଓ ଲଜ୍ଜାଜନକ ଅଭିଯୋଗ ଆସିଛି ଭୂବନେଶ୍ୱର ନହରକଣ୍ଟା ଶ୍ରୀ ଜୟଦେବ କଲେଜର ଜଣେ ଅଧ୍ୟାପକ ନାମରେ । ସୂଚନାନୁଯାୟୀ ଶ୍ରୀ ଜୟଦେବ କଲେଜ ଅଫ ଏଜୁକେସନ ଓ ଟେକ୍ନୋଲୋଜିର ଅଧହୟାପକଙ୍କ ନାମରେ ହୋଇଛି ଅଭିଯୋଗ । କଲେଜର ଜଣେ ବିଜ୍ଞାନ ବିଭାଗର ଛାତ୍ରୀ ଏନେଇ କଲେଜ କତୃପକ୍ଷଙ୍କୁ ଅଭିଯୋଗ କରିବା ପରେ ଘଟଣା ଏବେ ହାଟରେ ପଡି ଦାଣ୍ଡରେ ଗଡିବାରେ ଲାଗିଛି । ତେବେ ଘଟଣାଟିକୁ କଲେଜ କତୃପକ୍ଷ ଚାପି ଦେବାକୁ ଚେଷ୍ଟା କରିଥିଲେ ସୁଦ୍ଧା ତାହା ବିଫଳ ହୋଇଛି ।
ପରେ ଉଭୟ ଅଧ୍ୟାପକ ଓ ଛାତ୍ରୀଙ୍କୁ ପଚରା ଉଚରା କରିବା ପରେ କଲେଜ କମିଟି ପକ୍ଷରୁ ଅତିରିକ୍ତ ଜିଲ୍ଲାପାଳଙ୍କୁ ଘଟଣା ରିପୋର୍ଟ ପ୍ରଦାନ କରାଯାଇଥିଲା । ଅନ୍ୟପକ୍ଷେ ଘଟଣା ସଂପର୍କରେ ଉଚ୍ଚ ଶିକ୍ଷା ବିଭାଗ ଅବଗତ ହେବାପରେ ଏବେ ହରଡ ଘଣାରେ କଲେଜ କତୃପକ୍ଷ ଓ ଅଧ୍ୟାପକ । ଏହାର ତୁରନ୍ତ ରିପୋର୍ଟ ଦେବାକୁ ବିଭାଗ ପକ୍ଷରୁ କଲେଜକୁ ଚିଠି କରିବା ପରେ ଏବେ ଚର୍ଚ୍ଚା ଯୋର ଧରିଛି । ତେବେ ଏଭଳି ଏକ ସଂବେଦନଶୀଳ ଘଟଣାରେ କଲେଜ କତୃପକ୍ଷ ଥାନାରେ ଅଭିଯୋଗ କରିବା ପରିବର୍ତ୍ତେ ଚାପିଦେବାକୁ ଉଦ୍ୟମ କରିବା ଘଟଣା ଏବେ ସାଧାରଣରେ ନାନା ପ୍ରଶ୍ନ ଉଭା କରିଛି ।
ବ୍ୟୁରୋ ରିପୋର୍ଟ ଶପଥ ନ୍ୟୁଜ୍ ।
