ତେଲକୋଇ : ବିଶାକ୍ତ ସାପକାମୁଡାରେ ବୃଦ୍ଧଙ୍କର ମୃତ୍ୟୁ । ସୂଚନା ଅନୁଯାୟୀ, ମୃତକ ଜଣଙ୍କ ହେଲେ ଶିବନାରାୟଣପୁର ଗୋଡା ଗାଁର ଲୋଚନ ମହାକୁଡ । ଲୋଚନ ଗତକାଲି ବିଳମ୍ବିତ ରାତିରେ ଘର ବାରଣ୍ଡାରେ ଶୋଇଥିବା ଅବସ୍ଥାରେ ଗୋଟିଏ ଚିତି ସାପ କାମୁଡି ଦେଇଥିଲା । ଯନ୍ତ୍ରଣା ହେବାରୁ ଲୋଚନ ଉଠି ପଡି ଘର ଲୋକଙ୍କୁ ଡାକିଥିଲେ ।
ତେବେ ଚିତି ସାପଟି କାମୁଡିବା ପରେ ପଳାଇ ଯିବା ଅବସ୍ଥାରେ ଘର ଲୋକେ ଗୋଟିଏ ହାଣ୍ଡିରେ ଘୋଡାଇ ଦେଇଥିଲେ । ସଙ୍ଗେ ସଙ୍ଗେ ୧୦୮ ଆମ୍ବୁଲାନ୍ସକୁ କଲ କରିଥିଲେ । ହେଲେ ଆମ୍ବୁଲାନ୍ସ ଘଣ୍ଟାଏ ବିଳମ୍ବରେ ପହଞ୍ଚି ଥିଲା। ଆମ୍ବୁଲାନ୍ସ ଯୋଗେ ତେଲକୋଇ ମେଡିକାଲକୁ ଆଣିବା ସମୟରେ ରାସ୍ତାରେ ଲୋଚନଙ୍କ ଜୀବନ ଚାଲିଯାଇଥିଲା ।
