କୋରାପୁଟ : ଟାର୍ଗେଟରୁ ଅଳ୍ପକେ ବର୍ତିଲେ ବିଏସଏଫ ଯବାନ। ୧୫୧ ବାଟାଲିୟନ ବିଏସଏଫ ଦ୍ୱାରା ଆଇଡି ବମ ଠାବ ହୋଇଛି। କୋରାପୁଟ ଜିଲ୍ଲା ବୈପାରିଗୁଡା ମାଲକାନଗିରି ୩୨୬ନଂ ଜାତୀୟ ରାଜପଥ ରାସ୍ତାର ମନ୍ତ୍ରୀଆମ୍ବ -ଗୋବିନ୍ଦପାଲି ଘାଟ ରାସ୍ତା ମଧ୍ୟରେ ଠାବ ହୋଇଛି ।
ସୂଚନା ଅନୁଯାୟୀ, ଯବାନମାନେ ଜଙ୍ଗଲକୁ କମ୍ବିଂ ଅପରେସନ ଲାଗି ଯାଉଥିଲେ । ଏହାପୂର୍ବରୁ ଯବାନମାନଙ୍କୁ ଟାର୍ଗେଟ କରି ମାଓବାଦୀଙ୍କ ପକ୍ଷରୁ ଆଇଡି ବୋମା ପୋତାଯାଇଥିଲା । କିନ୍ତୁ ସନ୍ଧାନୀ କୁକୁର ସବୁ ପ୍ଲାନକୁ ଫେଲ୍ କରିଦେଇଛି । ପରେ ବୋମା ନିଷ୍କ୍ରିୟକାରୀ ଦଳ ଘଟଣାସ୍ଥଳରେ ପହଞ୍ଚି ବୋମାକୁ ନଷ୍ଟ କରିଛନ୍ତି । ଯାହାଫଳରେ ବିଏସ୍ଏଫ୍ ଯବାନ ଏକ ବଡ଼ଧରଣରୁ ଅଘଟଣରୁ ବର୍ତ୍ତିଯାଇଛନ୍ତି ।
