ବ୍ରହ୍ମପୁର : ଚାରି ଦିନ ହେଲା ପତ୍ତା ମିଳୁନାହିଁ ଡାକ୍ତର ସୁମିତ ସାହୁଙ୍କର । ଆସିକା ଚିନିଶିଳ୍ପ ଗେଷ୍ଟ ହାଉସ୍ ଛାଡି କେଉଁଆଡେ ଚାଲିଯାଇଛନ୍ତି । ଏପଟେ ସ୍ୱାମୀଙ୍କ ଅପେକ୍ଷାରେ ତପସ୍ୱିନୀ ବସିଛନ୍ତି । ସ୍ୱାମୀଙ୍କୁ ଫେରାଇ ଆଣିବାକୁ ମଧ୍ୟ ସେ ଗୁହାରୀ କରିଛନ୍ତି। ସୁମିତ ଫେରାର ହୋଇଯାଇଥିବା ନେଇ ଥାନାରେ ଅଭିଯୋଗ ମଧ୍ୟ କରିଛନ୍ତି ତପସ୍ୱିନୀ । ତାଙ୍କ କହିବା ଅନୁଯାଇ, ସୁମିତଙ୍କ ଫେରାର ପଛରେ ତାଙ୍କ ସାଙ୍ଗଙ୍କ ହାତ ରହିଛି। ଯେତେବେଳେ ସୁମିତ ସ୍କୁଟିରେ ଘରୁ ବାହାରି ଯାଇଥିଲେ ।ସେବେଠାରୁ ବହୁ ସମୟ ପର୍ଯ୍ୟନ୍ତ ଘରକୁ ନଫେରିବାରୁ ଆସିକା ଆଇଆଇସିଙ୍କୁ ଜଣାଇଥିଲେ ତପସ୍ୱିନୀ । .
ଏପଟେ ମେଡିକାଲକୁ ଫୋନ୍ କରି ବୁଝିବାରୁ ଛୁଟିରେ ଯାଇଥିବା କହିଥିଲେ ମେଡିକାଲ ଷ୍ଟାଫ୍ । ଏନେଇ ବାଲିସିରା ମେଡିକାଲ ଇନଚାର୍ଜ କହିଛନ୍ତି, ମାନସିକ ଚାପରେ ଥିବା କହି ସୁମିତ ୫ଦିନ ଛୁଟି ନେଇଛନ୍ତି । ସୁମିତଙ୍କ ଫୋନ୍ ସୁଇଚ୍ ଅଫ ଅଛି । ତାଙ୍କ ସହ କୌଣସି ଯୋଗାଯୋଗ ହୋଇ ପାରୁନାହିଁ। ଏପଟେ ସୁମିତଙ୍କୁ ପାଇବା ପାଇଁ ପୁଣି କୋର୍ଟଙ୍କ ଦ୍ୱାରସ୍ଥ ହେବେ ବୋଲି ତପସ୍ୱିନୀ କହିଛନ୍ତି । ସେଥିପାଇଁ ସେ ବ୍ରହ୍ମପୁର ଅଭିମୁଖେ ଯାଇଛନ୍ତି। ଏବଂ ସେ ଆକୁଳ ନିବେଦନ କଣ୍ଠରେ ତାଙ୍କ ସ୍ୱାମୀକୁ ଫେରେଇ ଦେବା ପାଇଁ ସର୍ବସାଧାରଣଙ୍କ ସମ୍ମୁଖରେ ନିବେଦନ କରିଛନ୍ତି ।
