ଇଣ୍ଡିଆନ୍ ପ୍ରିମିୟର ଲିଗ୍(ଆଇପିଏଲ-୨୦୨୨)ର ୧୫ ତମ ସିଜିନ୍ରେ ମଧ୍ୟ କରୋନା ପାଦ ଦେଇଛି। ନିକଟରେ ଦିଲ୍ଲୀ କ୍ୟାପିଟାଲ୍ସର ଫିଜିଓ ପ୍ୟାଟ୍ରିକ୍ ଫରହାର୍ଟ କରୋନା ପଜିଟିଭ ଜଣାପଡିଛନ୍ତି। ଏହି କାରଣରୁ ଏବେ ପୁରା ଟିମ୍କୁ କ୍ୱାରେଣ୍ଟାଇନ୍ରେ ରଖାଯାଇଛି। ଟିମ୍ର ଆଗାମୀ ମ୍ୟାଚ୍ ପୁନେରେ ହେବ। ଏଥିପାଇଁ ଟିମ୍କୁ ଯିବାର ଥିଲା, କିନ୍ତୁ ତାଙ୍କୁ ଏବେ ହୋଟେଲରେ ରଖାଯାଇଛି। ସବୁ ଖେଳାଳିଙ୍କର ବାରମ୍ବାର ଦୁଇଥର କରୋନା ଟେଷ୍ଟ ହେବ। ଏହାପରେ କିଛି ନିଷ୍ପତ୍ତି ନିଆଯିବ।କ୍ରିକ୍ବଜର ରିପୋର୍ଟ ଅନୁସାରେ, ଋଷଭ ପନ୍ତଙ୍କ କ୍ୟାପଟେନସିପ୍ରେ ଖେଳୁଥିବା ଦିଲ୍ଲୀ କ୍ୟାପିଟାଲସ୍ ଟିମ୍କୁ ନିଜର ଆଗାମୀ ମ୍ୟାଚ୍ ପଞ୍ଜାବ କିଙ୍ଗସ୍ (PBKS) ବିରୋଧରେ ଖେଳିବାର ଅଛି। ଏହି ମ୍ୟାଚ୍ ୨୦ ଏପ୍ରିଲରେ ପୁନେର ମହାରାଷ୍ଟ୍ର କ୍ରିକେଟ ଆସୋସିଏସନ୍ ଷ୍ଟାଡିୟମରେ ଖେଳାଯିବ। ଏହି ମ୍ୟାଚ୍ ପାଇଁ ଦିଲ୍ଲୀ ଟିମ୍ର ୧୮ ଏପ୍ରିଲରେ ପୁନେ ଯିବାର ଥିଲା, କିନ୍ତୁ ଟିମ୍ ମୁମ୍ବାଇ ସ୍ଥିତ ନିଜର ହୋଟେଲରେ କ୍ୱାରେଣ୍ଟାଇନ୍ କରି ରଖାଯାଇଥିଲା।
ନିକଟରେ ଦିଲ୍ଲୀ ଟିମ୍ର ଫିଜିଓ ଫରହାର୍ଟ କରୋନା ପଜିଟିଭ ବାହାରିଥିଲେ। ରିପୋର୍ଟ ଅନୁସାରେ, ପ୍ୟାଟ୍ରିକ୍ଙ୍କ ପରେ ରାପିଡ୍ ଆଣ୍ଟିଜେନ୍ ଟେଷ୍ଟରେ ଦିଲ୍ଲୀ ଟିମ୍ର ଜଣେ ଖେଳାଳି ମଧ୍ୟ ପଜିଟିଭ ଜଣାପଡିଛନ୍ତି। ଏହି ଖେଳାଳି ଜଣକ ବିଦେଶୀ। ସେହି କାରଣରୁ ଦିଲ୍ଲୀ ଫ୍ରାଞ୍ଚାଇଜ ଏଭଳି ବଡ ପଦକ୍ଷେପ ଗ୍ରହଣ କରିଛନ୍ତି। ଏବେ ସବୁ ଖେଳାଳିଙ୍କ ଦୁଇ ଦିନ ପର୍ଯ୍ୟନ୍ତ ଆରଟି-ପିସିଆର ଟେଷ୍ଟ କରାଯିବ। ଏହାପରେ କୌଣସି ନିଷ୍ପତ୍ତି ନିଆଯିବ।
