ନୂଆଦିଲ୍ଲୀ : ପ୍ରଭାବିତ ସମସ୍ତ ରୁଟରେ ନ୍ୟାୟସଙ୍ଗତ ସଠିକ ଭଡା ନିଶ୍ଚିତ କରିବାକୁ ନିଦେ୍ର୍ଦଶ । ନିଦେ୍ର୍ଦଶ ଦେଲେ ବେସାମରିକ ବିମାନ ଚଳାଚଳ ମନ୍ତ୍ରୀ ରାମମୋହନ ନାଇଡୁ । ରିଅଲ-ଟାଇମ ଡାଟା ମାଧ୍ୟମରେ ଭଡାସ୍ତରକୁ ନଜର ରଖିବାକୁ ପରାମର୍ଶ । ବିମାନ କମ୍ପାନୀ ଓ ଅନଲାଇନ ଟ୍ରାଭେଲ ପ୍ଲାଟଫର୍ମଗୁଡିକୁ ସହ ସମନ୍ୱୟ ରଖନ୍ତୁ । ସୂଚନାନୁଯାୟୀ, ପରିଚାଳନାରେ ଅସୁବିଧା ଯୋଗୁଁ ଅନେକ ଇଣ୍ଡିଗୋ ବିମାନ ବାତିଲ କରାଯାଇଛି । କିଛି ବିମାନ କମ୍ପାନୀ ଅନେକ ରୁଟରେ ଅତ୍ୟଧିକ ଭଡ଼ା ଆଦାୟ କରିବା ଆରମ୍ଭ କରିଛନ୍ତି । ବିମାନ ଚଳାଚଳ ମନ୍ତ୍ରଣାଳୟ ତୁରନ୍ତ ହସ୍ତକ୍ଷେପ କରିବା ସହ ଏହାକୁ ଅବଗତ କରାଇଛନ୍ତି । ମନ୍ତ୍ରଣାଳୟ ଆହୁରି ମଧ୍ୟ ସ୍ପଷ୍ଟ ଭାବେ କହିଛି ଯେ, କୌଣସି ପରିସ୍ଥିତିରେ ଯାତ୍ରୀଙ୍କଠାରୁ ମନମୁଖୀ ଭଡ଼ା ଆଦାୟକୁ ଗ୍ରହଣ କରାଯିବ ନାହିଁ । ଏହି ସବୁକୁ ଦୃଷ୍ଟିରେ ରଖି ସମସ୍ତ ପ୍ରଭାବିତ ରୁଯରେ ଏକ ଭଡ଼ା ସୀମା ମନ୍ତ୍ରଣାଳୟ ଲାଗୁ କରିଛି । ଏହି ଭଡ଼ା ସୀମାକୁ କଡ଼ାକଡ଼ି ପାଳନ କରିବାକୁ ବିମାନ କମ୍ପାନୀକୁ ମନ୍ତ୍ରଣାଳୟ ନିର୍ଦ୍ଦେଶନାମା ଜାରି କରି କହିଛି । ଏଥିସହ ମନ୍ତ୍ରଣାଳୟ ସ୍ପଷ୍ଟ କରିଛି ଯେ, ପରିସ୍ଥିତି ସମ୍ପୂର୍ଣ୍ଣ ସ୍ଥିର ନହେବା ପର୍ୟ୍ୟନ୍ତ ଏହି ଭଡ଼ା ସୀମା କାର୍ୟ୍ୟକାରୀ ହେବ ।
