ମୁମ୍ବାଇ : ଆଜି ମହିଳା କ୍ରିକେଟ ବିଶ୍ୱକପ ଫାଇନାଲ ମ୍ୟାଚ । ଆଜି ଭାରତ-ଦକ୍ଷିଣ ଆଫ୍ରିକ ଫାଇନାଲ ଟକ୍କର । ନବି ମୁମ୍ବାଇର ଡିୱାଇ ପାଟିଲ ଷ୍ଟାଡିୟମରେ ମ୍ୟାଚ । ଫାଇନାଲ ମ୍ୟାଚ୍ ପୂର୍ବରୁ ଭାରତୀୟ ଟିମର ଅଧିନାୟକ ହରମନପ୍ରୀତ କୌର କହିଛନ୍ତି, ଏଥର ପଛ ପରାଜୟକୁ ଭୁଲି ବିଶ୍ବକପ ଜିତିବାର ସମୟ ଆସିଯାଇଛି । ଅଷ୍ଟ୍ରେଲିଆ ଏବଂ ନ୍ୟୁଜିଲାଣ୍ଡ କେବଳ ମହିଳା ଦିନିକିଆ ବିଶ୍ବକପ ଜିତିଛନ୍ତି । କିନ୍ତୁ ଏଥର ମହିଳା ଦିନିକିଆ କ୍ରିକେଟକୁ ୪ର୍ଥ ନୂଆ ଚାମ୍ପିଅନ ମିଳିବ ।
ହରମନପ୍ରୀତ ଭାବୁକ ହୋଇ କହିଛନ୍ତି, ଆମେ ଜାଣିଛୁ ଯେ, ପରାଜୟ ପରେ କିଭଳି ଅନୁଭବ ହୁଏ । କିନ୍ତୁ ଏଥର ବିଜୟ ପରେ କିଭଳି ଅନୁଭବ ହୁଏ, ତାହା ଜାଣିବାକୁ ଚାହୁଁଛୁ । ଆଶା କରୁଛି, ଏହି ଦିନ ଆମ ପାଇଁ ଖାସ୍ ହେବ । ଆମେମାନେ ବହୁତ ପରିଶ୍ରମ କରିଛୁ ଆମେ ଟିମ ପାଇଁ ଜୀବନ ଲଗାଇ ପରିଶ୍ରମ କରିବୁ । ଏହା ମୋ ପାଇଁ ଆଉ ଟିମ ପାଇଁ ଗୌରବର ସମୟ । ମୁଁ ଜାଣିଛି ଯେ, ଗତ ୨ ମ୍ୟାଚରେ ଆମର ପ୍ରଦର୍ଶନ ଦେଖି ସମଗ୍ର ଦେଶ ଆମ ଉପରେ ଗର୍ବ କରୁଛି ।
