ବିନିକା : ବ୍ରିଜ ଉପରୁ ଖସିଲା ବାଇକ । ଯୁବକଙ୍କ ଚାଲିଗଲା ଜୀବନ । ବେଲପଡା ଛକ ନିକଟ ମଗରକୁନ୍ଦା ବ୍ରିଜ ଉପରୁ ଖସିପଡିଲେ । ଭାରସାମ୍ୟ ହରାଇ ବାଇକ ସହ ଖସିପଡିଥିବା ସୂଚନା । ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଲା ପୋଲିସ । ମୃତ ଯୁବକ ହେଲେ ଯୁଦ୍ଧମନ୍ୟୁ ଦୁଆରି । ଯୁଦ୍ଧମନ୍ୟୁ ସବୁଦିନ ପରି ଘରୁ ଖାଇସାରି ନିଜ କାମକୁ ବାହାରିଯାଇଥିଲେ । ବାଟରେ ଗଲା ବେଳେ ସୁବର୍ଣ୍ଣପୁର ଜିଲ୍ଲା ବିନିକା ଥାନା ବେଳପଡା ମଗରକୁନ୍ଦା ପୋଲ ପଡିଥାଏ ଆଉ ସେହି ପୋଲ ଆଜି ତାଙ୍କ ଜୀବନ ନେଇଯାଇଛି । ଯୁଦ୍ଧମନ୍ୟୁ ଦୁଆରି ଗତକାଲି ଘରୁ ଖାଇ ସାରିବା ପରେ ବିନିକା ପଟରୁ ରାମପୁର ପଟକୁ ଏକ ଧାନମିଲକୁ କାମ କରିବାକୁ ଯାଉଥିବା ସମୟରେ ଭାରସାମ୍ୟ ହରାଇ ପୋଲ ତଳକୁ ଚାଲିଯାଇଥିଲେ । ସ୍ଥାନୀୟ ଲୋକେ ଦୁର୍ଘଟଣା ପରେ ଅଗ୍ନିଶମ ବିଭାଗକୁ ଖବର ଦେଇଥିଲେ । ଅଗ୍ନିଶମ ବିଭାଗ ଖବରପାଈଁ ପୋଲ ତଳୁ ବାଇକ ଚାଳକଙ୍କୁ ଉଦ୍ଧାର କରି ବିନିକା ଡାକ୍ତରଖାନାରେ ଭର୍ତ୍ତି କରିଥିଲେ । ଡାକ୍ତରଖାନାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି । ପୋଲିସ ମୃତଦେହକୁ ଜବତ କରି ଘଟଣାର ତଦନ୍ତ କରୁଥିବା ଜଣାପଡିଛି ।
