ବିହାର : ବିହାରର ପୂର୍ବ ଉପ ମୁଖ୍ୟମନ୍ତ୍ରୀ ତେଜସ୍ବୀ ଯାଦବ ବିହାର ନିର୍ବାଚନ ପୂର୍ବରୁ ବଡ଼ ଘୋଷଣା କରିଛନ୍ତି । ତେଜସ୍ବୀ କହିଛନ୍ତି, ଆମେ ସରକାରକୁ ଆସିବା ପରେ ପ୍ରତି ପରିବାରରେ ସରକାରୀ ଚାକିରି ଦେବୁ ।ବିହାରରେ ଜିତିବା ପରେ ଯେଉଁ ପରିବାରରେ ସରକାରୀ ଚାକିରି ନାହିଁ, ସେହି ପରିବାରକୁ ୨୦ ଦିନ ଭିତରେ ସରକାରୀ ଚାକିରି ଦେବୁ । ତେବେ ଆମେ କିଭଳି ଦେବୁ, ତାହା ମଧ୍ୟ ଆପଣଙ୍କୁ କହିବୁ । ଆମେ ବିଶ୍ଳେଷଣ କରି ସମସ୍ତ ଜିନିଷ ନିଷ୍ପତ୍ତି ନେବୁ । ଆମେ ଲୋକମାନଙ୍କୁ ସାମାଜିକ ନ୍ୟାୟ ସହିତ ଆର୍ଥିକ ନ୍ୟାୟ ମଧ୍ୟ ଦେବୁ । ତେଜସ୍ବୀ ଯାହା କହୁଛି ସେୟା କରିବ ।ଏହାଛଡା ତେଜସ୍ବୀ ଅଭିଯୋଗ କରିଛନ୍ତି କି, ଯେଉଁସବୁ ଘୋଷଣା ଆମେ କରୁଛୁ, ତାହାର ନକଲ ଏ ସରକାର କରୁଛି । ଗତ ୨୦ ବର୍ଷରେ ଏନଡିଏ ଅସୁରକ୍ଷା ଦେଇଛି କିନ୍ତୁ ଆମେ ପ୍ରତି ଘରକୁ ଚାକିରି ଦେବୁ । ବିହାରକୁ ସଠିକ୍ ଏବଂ ପରଫେକ୍ଟ ସରକାର ଦେବୁ ।
