ଗଞ୍ଜାମ : ବେଧଡକ ଚାଲିଥିଲା ଜୁଆ ଆଡ୍ଡା । ଖବର ପାଇ ଚଢାଉ କଲା ପୋଲିସ । ଗଞ୍ଜାମ ଜିଲ୍ଲା ଭଞ୍ଜନଗରରେ ପୋଲିସର ଚଢାଉ । ଗତ ୩ ଦିନ ଭିତରେ ଭଞ୍ଜନଗର ଥାନାର ବିଭିନ୍ନ ସ୍ଥାନରେ ୩୪ ଜଣ ଜୁଆଡିଙ୍କୁ ଗିରଫ କରିଛି ପୋଲିସ । ସେମାନଙ୍କ ଠାରୁ ୭୧ ହଜାର ଟଙ୍କା ଏବଂ ୨୪ଟି ମୋବାଇଲ ଜବତ ହୋଇଛି । ଗଞ୍ଜାମ ଏସପିଙ୍କ ନିର୍ଦ୍ଦେଶକ୍ରମେ, ଭଞ୍ଜନଗର ଏସଡିପିଓ ଏବଂ ଥାନାଧିକାରୀଙ୍କ ତତ୍ବାବଧାନରେ ସମସ୍ତ ପୋଲିସ କର୍ମଚାରୀ , ଚଢ଼ାଉରେ ସାମିଲ ହୋଇଥିଲେ । ଏହା ପୂର୍ବରୁ ଗତ ସପ୍ତାହରେ ୧୪ ଜଣ ଜୁଆଡିଙ୍କୁ ଗିରଫ କରିବା ସହ ସେମାନଙ୍କ ଠାରୁ ନଗଦ ୫୫ ହଜାର ଟଙ୍କା, ୧୧ ଟି ମୋବାଇଲ ଏବଂ ଗୋଟିଏ ମୋଟରସାଇକେଲ ଜବତ କରିଛି ପୋଲିସ । ଏସବୁକୁ ମିଶାଇ ଗତ ଦୁଇ ସପ୍ତାହ ମଧ୍ୟରେ ସମୁଦାୟ ୪୮ ଜଣ ଜୁଆଡି ଙ୍କୁ ଗିରଫ କରିବା ସହ ସେମାନଙ୍କ ଠାରୁ ୧ ଲକ୍ଷ ୨୬ ହଜାର ଟଙ୍କା, ୩୫ ଟି ମୋବାଇଲ ଓ ଗୋଟିଏ ମୋଟରସାଇକେଲ ଜବତ କରିଛି ପୋଲିସ । ଭଞ୍ଜନଗର ଥାନା ଅଞ୍ଚଳର ଖାଲାସି ସାହି, ବଡଧୋବା ସାହି, ଗାମୁଣ୍ଡି, ନନ୍ଦିନୀପଲ୍ଲୀ ଏବଂ ଗତ ରାତିରେ ମୁଦୁଲିପଲ୍ଲୀ ଗାଁ ନିକଟରେ ଚାଲିଥିବା ଜୁଆଖେଳରେ ଚଢ଼ାଉ କରିଥିଲା ପୋଲିସ ଟିମ୍ ।
