ୱାସିଂଟନ : ସଟଡାଉନ ହେଲା ଆମେରିକା ସରକାର । ଟ୍ରମ୍ପଙ୍କ କାର୍ୟ୍ୟକାଳରେ ଏହା ଦ୍ବିତୀୟ ଥର ପାଇଁ ସଟଡାଉନ ଅଟେ । ସଟଡାଉନ ଦ୍ବାରା ସମସ୍ତ ସରକାରୀ ଅନୁଦାନ ଠପ ହୋଇଯିବ ଏବଂ ସମସ୍ତ ସରକାରୀ କାର୍ୟ୍ୟ ବନ୍ଦ ରହିବ । ଆମେରିକାର ପ୍ରାୟ ୨୦ ଲକ୍ଷ ଲକ୍ଷ କର୍ମଚାରୀ ସଟଡାଉନ ଦ୍ବାରା ପ୍ରଭାବିତ ହେବେ। ଆମେରିକା ସିନେଟରେ ଅର୍ଥାନୁଦାନ ବିଲ୍ ପାସ୍ ହେବାରେ ବିଫଳ ହେବା ପରେ ଏଭଳି ଅଚଳାବସ୍ଥା ସୃଷ୍ଟି ହୋଇଛି । ସରକାର ଚାଲିବା ପାଇଁ ଆବଶ୍ୟକ ପାଣ୍ଠି ନେଇ ଆମେରିକା ସଂସଦରେ ସରକାରୀ ଓ ବିରୋଧୀଙ୍କ ମଧ୍ୟରେ ସହମତି ହୋଇନପାରିବାରୁ ଏବେ ସଟଡାଉନରେ ପ୍ରବେଶ କରିଛି ଆମେରିକା । ସଟଡାଉନ ରୋକିବାକୁ ରାଷ୍ଟ୍ରପତି ଟ୍ରମ୍ପ ଡେମୋକ୍ରାଟିକ ନେତାଙ୍କ ୨୯ ତାରିଖରେ ବୈଠକ କରିଥିଲେ ମାତ୍ର ଏହାର କୌଣସି ନିଷ୍କର୍ସ ବାହାରିନଥିଲା । ସେହିପରି ସେପ୍ଟେମ୍ବର ୩୦ରେ ରିପ୍ଲବିକାନ ସଦସ୍ୟ ମାନେ ୧୧ ନଭେମ୍ବର ଯାଏ କଣ୍ଟିନ୍ୟୁଇଂ ରିଜୋଲ୍ୟୁସନ ପାସ୍ କରିଥିଲେ, । ହେଲେ ସିନେଟରେ ଡେମୋକ୍ରେଟିକ ମାନେ ଏହାକୁ ବିରୋଧ କରିବା ପରେ ଏବେ ସଟଡାଉନରେ ପ୍ରବେଶ କରିଛି ଆମେରିକା ।ଯେବେ ଆମେରିକା ସରକାର, ବିଭିନ୍ନ ଏଜେନ୍ସି ଓ ସରକାରୀ କାର୍ୟ୍ୟ ପାଇଁ ଅନୁଦାନ ସଂପର୍କିତ ପ୍ରସ୍ତାବ ସଂସଦରେ ପାରିତ ହୋଇପାରେନି, ସେତେବେଳେ ସଟଡାଉନ ପରିସ୍ଥିତି ଉପୁଜି ଥାଏ । ପାଣ୍ଠିର ବ୍ୟବସ୍ଥା ନହେବା ପର୍ୟ୍ୟନ୍ତ ଅତି ଜରୁରୀ କାର୍ୟ୍ୟକୁ ବାଦ ଦେଲେ ଅନ୍ୟ ସବୁ କାମ ବନ୍ଦ ରହେ ।
