ବାଙ୍ଗିରିପୋଷି : ଭାରସାମ୍ୟ ହରାଇ ଫଳ ଦୋକାନକୁ ପଶିଗଲା ଟ୍ରକ । ଦୁର୍ଘଟଣାରେ ଜଣେ ମୃତ, ୪ ଆହତ । ମୟୂରଭଞ୍ଜ ଜିଲ୍ଲା ଝାରପୋଖରିଆ ଥାନା ବାମ୍ବେଛକ ବଜାରରେ ମର୍ମନ୍ତୁଦ ଦୁର୍ଘଟଣା ଘଟିଛି । ମୃତକ ହେଲେ ସୁସ୍ମିତା ମହାନ୍ତି । ଗତକାଲି ବିଳମ୍ବିତ ରାତିରେ ଏକ ଟ୍ରକ ଭାରସାମ୍ୟ ହରାଇ ରାସ୍ତାକଡ଼ରେ ଥିବା ୭ରୁ ଅଧିକ ଦୋକାନ ଘରକୁ ଧକ୍କା ଦେଇଥିଲା । ଜଣଙ୍କ ମୃତ୍ୟୁ ହେବା ସହ ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ ହୋଇଛି । ୩ ଗୁରୁତରଙ୍କୁ ସ୍ଥାନୀୟ ମେଡିକାଲରେ ଭର୍ତ୍ତି କରାଯାଇଥିବା ବେଳେ ଅନ୍ୟ ଜଣଙ୍କୁ କଟକ ସ୍ଥାନାନ୍ତର କରାଯାଇଛି । ଦୁର୍ଘଟଣା ପରେ ଫେରାର ହୋଇଯାଇଛି ଡ୍ରାଇଭର । ଘଟଣାସ୍ଥଳରେ ପହଂଚି ତଦନ୍ତ କରୁଛନ୍ତି ପୋଲିସ ।
