ନୂଆଦିଲ୍ଲୀ : ଆଜି ଏସିଆ କପ କ୍ରିକେଟରେ ଭାରତ-ବାଂଲାଦେଶ ଟକ୍କର । ଦୁବାଇ ଅନ୍ତର୍ଜାତୀୟ ଷ୍ଟାଡିୟମରେ ମୁହାଁମୁହିଁ ହେବେ ୨ ଦଳ । ଅଧିନାୟକ ସୂର୍ୟ୍ୟକୁମାର ଯାଦବଙ୍କ ନେତୃତ୍ବରେ ବାଂଲାଦେଶକୁ ଭେଟିବ ଭାରତ । ଉଭୟ ଟିମ୍ ସୁପର-୪ ରାଉଣ୍ଡରେ ପ୍ରଥମ ମ୍ୟାଚ ଜିତିଛନ୍ତି । ତେଣୁ ଆଜି ଯିଏ ଜିତିବ ଫାଇନାଲକୁ ଯିବା ପ୍ରାୟ ନିଶ୍ଚିତ । ତେଣୁ ଆଜିର ମ୍ୟାଚ୍ ବେଶ ଗୁରୁତ୍ବପୂର୍ଣ୍ଣ । ଚଳିତ ଟୁର୍ଣ୍ଣାମେଣ୍ଟରେ ଏପର୍ୟ୍ୟନ୍ତ ଭାରତ ଅପରାଜିତ ଥିବାବେଳେ ବାଂଲାଦେଶ କେବଳ ଲିଗ୍ ମ୍ୟାଚରେ ଶ୍ରୀଲଙ୍କାଠୁ ହାରିଥିଲା । ତେଣୁ ଆଜିର ମ୍ୟାଚକୁ ନେଇ ଉଭୟ ଦଳର ମନୋବଳ ଦୃଢ ରହିଛି । ବାଂଲାଦେଶ ବିପକ୍ଷରେ ଭାରତ ୧୭ଟି ଟି-୨୦ ଖେଳିଛି ଓ ଏଥିରୁ ୧୬ଟି ମ୍ୟାଚ ଜିତିଛି । ୨୦୧୯ରେ ବାଂଲଦେଶ ଏକମାତ୍ର ବିଜୟ ହାସଲ କରିଥିଲା । ତେଣୁ ଭାରତକୁ ହରାଇବା ବାଂଲାଦେଶ ପାଇଁ ସହଜ ହେବ ନାହିଁ । ଏଥିରେ ବାଂଲାଦେଶ ମାତ୍ର ଥରେ ବିଜୟୀ ହୋଇଛି । ରେକର୍ଡ ଦୃଷ୍ଟିକୋଣରୁ ବାଂଲାଦେଶ ବିପକ୍ଷରେ ସବୁବେଳେ ଭାରତର ପଲ୍ଲା ଭାରି ରହିଛି । ଏବେ ପୁରା ଫର୍ମରେ ଅଛନ୍ତି ଓପନର୍ ଅଭିଷେକ ଶର୍ମା । ଆଜି ଅଭିଷେକ ଓ ଶୁବମନଙ୍କୁ ବ୍ୟାଟରୁ ବଡ ସ୍କୋର ଆଶା ରଖିଛନ୍ତି ଫ୍ୟାନ୍ସ ।
