ଦଶପଲ୍ଲା : ଟ୍ରକକୁ ଓଭରଟେକ ବେଳେ ଓଲଟିଲା ବସ । ବାଣୀଗୋଚ୍ଛା ଥାନା ଜାମୁସାହି ଛକ ନିକଟରେ ଦୁର୍ଘଟଣା । ଦୁର୍ଘଟଣାରେ କଣ୍ଡକ୍ଟର ଗୁରୁତର ଥିବା ବେଳେ ଆଉ ୪ ଯାତ୍ରୀ ସାମାନ୍ୟ ଆହତ ହୋଇଛନ୍ତି । ୩୦ରୁ ଅଧିକ ଯାତ୍ରୀଙ୍କୁ ନେଇ ବସଟି ଭୁବନେଶ୍ୱରରୁ ବଲାଙ୍ଗିର ଯାଉଥିଲା । ସୂଚନା ଅନୁସାରେ ବିଳମ୍ବିତ ରାତିରେ ବ୍ଲୁ ବେଲୁନ୍ ନାମକ ବସ୍ ଟି ଭୁବନେଶ୍ୱରରୁ ବଲାଙ୍ଗୀର ଅଭିମୁଖେ ଯାଉଥିଲା । ବାଣିଗୋଛା ଥାନା ନିକଟ ଜାମୁସାହି ଛକ ନିକଟରେ ଫାଙ୍କା ରାସ୍ତାରେ ଏକ ମାଲ୍ ବାହି ଟ୍ରକ୍ କୁ ସାଇଡ୍ ମାରିବାକୁ ଯାଇ ବସ୍ ଟି ଓଲଟି ପଡ଼ିଛି ବୋଲି କଣ୍ଡକ୍ଟର କହିଛନ୍ତି । ସେପଟେ ଖବର ପାଇ ବାଣୀଗୋଛା ପୋଲିସ ଏବଂ ଦଶପଲ୍ଲା ଦମକଳ ବାହିନୀ ପହଞ୍ଚି ଦୁର୍ଘଟଣା ଗ୍ରସ୍ତ ବସ୍ ଭିତରୁ ସମସ୍ତ ଯାତ୍ରୀଙ୍କୁ ଉଦ୍ଧାର କରି ଅନ୍ୟ ଏକ ବସ୍ ରେ ବଲାଙ୍ଗୀର ଅଭିମୁଖେ ପଠାଇଛନ୍ତି ।
