ବ୍ୟୁରୋ : ଶରୀରରେ ଆଇରନ ଅଭାବ ହେତୁ କ୍ରମାଗତ ଥକ୍କା, ଦୁର୍ବଳତା ଏବଂ ନିଶ୍ୱାସ ନେବାରେ ଅସୁବିଧା ହୁଏ । ଆଇରନ ସ୍ତର କମ୍ ହେତୁ ଜଣେ ରକ୍ତହୀନତାର ଶିକାର ମଧ୍ୟ ହୋଇପାରେ । ଏହା ହେମୋଗ୍ଲୋବିନକୁ ହ୍ରାସ କରିଥାଏ ଏବଂ ଅନେକ ରୋଗ ସୃଷ୍ଟି କରିପାରେ । ଏଥିରୁ ବଞ୍ଚିବା ପାଇଁ ଡାକ୍ତରଙ୍କ ପରାମର୍ଶରେ ଆପଣ ଆଇରନ ସପ୍ଲିମେଣ୍ଟ ନେଇପାରିବେ । ଏହା ବ୍ୟତୀତ ଫଳ ଏବଂ ପନିପରିବା ଖାଇବା ଦ୍ୱାରା ଆଇରନ ଅଭାବ ମଧ୍ୟ ପୂରଣ ହୋଇପାରିବ । ବିଟ୍ ରୁଟ, ପାଳଙ୍ଗ ଏବଂ ମଟର ପରି ଅନେକ ପନିପରିବା ଆଇରନରେ ଭରପୂର ହୋଇଥାଏ ।
ବିଟ୍ ରୁଟ ଜୁସ ଶରୀରରେ ରକ୍ତ ପରିମାଣ ବଢ଼ାଇଥାଏ । ଯେଉଁଥିପାଇଁ ଅମ୍ଳଜାନ ଯୋଗାଣରେ ଉନ୍ନତି ହୁଏ । ଯଦି ଆପଣ ଚାହାଁନ୍ତି, ଆପଣ ବିଟ୍ ରୁଟ ଜୁସରେ ପାଳଙ୍ଗ ମଧ୍ୟ ମିଶାଇ ପାରିବେ । ପାଳଙ୍ଗକୁ ଆଇରନର ଏକ ଭଲ ଉତ୍ସ ଭାବରେ ବିବେଚନା କରାଯାଏ ।
ଗବେଷକଙ୍କ ଅନୁଯାୟୀ ୨୪ ରୁ ୨୫ ର୍ବଷ ବୟସ ର୍ପଯ୍ୟନ୍ତ ଆଇରନ ଯୁକ୍ତ ପନିପରିବା ନିହାତି ଖାଇବା ଦରକାର । ଆଇରନ ମାତ୍ରା ଶରୀରରେ ଆବଶ୍ୟକତା ଠାରୁ କମିଲେ ଶରୀର ପୀଡା, ମୁଣ୍ଡ ବିନ୍ଧା ପରି ସମସ୍ୟା ମଧ୍ୟ ଦେଖାଯାଏ । ରକ୍ତରେ ଆରବିସିର ଗଠନ ପାଇଁ ମଧ୍ୟ ଆଇରନ ନିହାତି ଆବଶ୍ୟକ ।
