ନୂଆଦିଲ୍ଲୀ : ସିକ୍କିମରେ ସେନା କ୍ୟାମ୍ପରେ ଭୂସ୍ଖଳନ । ୩ ଜଣ ଯବାନ ସହିଦ । ଭୂସ୍ଖଳନରେ ଆଉ ୬ ଯବାନ ନିଖୋଜ ସୂଚନା । ଉଦ୍ଧାର ପାଇଁ ଜୋରଦାର ସର୍ଚ୍ଚ ଅପରେସନ ଜାରି ରହିଛି। ଉତ୍ତର ସିକିମରେ ରବିବାର ସନ୍ଧ୍ୟା ପ୍ରାୟ ୭ଟା ସମୟରେ ଏହି ଭୂସ୍ଖଳନ ହୋଇଥିଲା। ତେବେ ମୃତକଙ୍କ ପରିଚୟ ମିଳିପାରିନାହିଁ। ସେପଟେ ଅବିଶ୍ରାନ୍ତ ବର୍ଷା, ଭୂସ୍ଖଳନ ଓ ଖରାପ ପାଗ ଯୋଗୁଁ ବିଭିନ୍ନ ସ୍ଥାନରେ ପ୍ରାୟ ୧୫ଶହରୁ ଅଧିକ ପର୍ୟ୍ୟଟକ ଫସି ରହିଛନ୍ତି। ଲାଚେନ ଓ ଲାଚୁଙ୍ଗ ଅଞ୍ଚଳରେ ଫସିରହିଛନ୍ତି ଏହି ପର୍ୟ୍ୟଟକ। ଭୂସ୍ଖଳନ ଯୋଗୁଁ ଉଭୟ ପଟରୁ ରାସ୍ତା ବନ୍ଦ ହୋଇଯାଇଛି। ସେମାନଙ୍କୁ ଉଦ୍ଧାର କରିବା ପାଇଁ ଉଦ୍ୟମ ଜାରି ରହିଛି।.. ସେପଟେ ଅରୁଣାଚଳ ପ୍ରଦେଶରୁ ୧୪ ଯୁବକଙ୍କୁ ଉଦ୍ଧାର କରିଛନ୍ତି ଭାରତୀୟ ବାୟୁସେନାର ଯବାନ। ହେଲିକପ୍ଟର ଯୋଗେ ସମସ୍ତ ଯୁବକଙ୍କୁ ଉଦ୍ଧାର କରାଯାଇଛି।
