ଭୁବନେଶ୍ୱର : ହାର୍ଡକୋର ମାଓବାଦୀ କୁଞ୍ଜାମ ହିଡମା ଗିରଫ । ସୁରକ୍ଷା ବାହିନୀ ଓଡ଼ିଶାର କୋରାପୁଟ ଜିଲ୍ଲାରେ ଜଣେ ହାର୍ଡକୋର ମାଓବାଦୀଙ୍କୁ ଗିରଫ କରିବା ସହିତ ତାଙ୍କଠାରୁ ଅସ୍ତ୍ରଶସ୍ତ୍ର ଏବଂ ଗୁଳି ଜବତ କରିଛନ୍ତି। ପୁଲିସ କହିଛି ଯେ, ଛତିଶଗଡ଼ର ବିଜେପୁର ଅଞ୍ଚଳର କୁଞ୍ଜାମ ହିଡ଼ମା ନାମକ ଏହି ମାଓବାଦୀଙ୍କୁ ଜିଲ୍ଲାର ବୈପାରିଗୁଡ଼ା ଥାନା ସୀମା ଅନ୍ତର୍ଗତ ଘନ ପେଟାଗୁଡ଼ା ଜଙ୍ଗଲ ଭିତରୁ ଧରାଯାଇଛି। ପୁଲିସ ଗୋଟିଏ ଏକେ-୪୭ ରାଇଫଲ ଏବଂ ଗୁଳି ତଥା ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ସାମଗ୍ରୀ ସମେତ ବହୁ ପରିମାଣର ମାଓ ଅସ୍ତ୍ରଶସ୍ତ୍ର ଜବତ କରିଛି। ନିଷିଦ୍ଧ ସଂଗଠନର ଏରିଆ କମିଟି ସଦସ୍ୟ (ଏସିଏମ୍) ଥିବା ହିଡ଼ମା ଓଡ଼ିଶା ସମେତ ଏହି ଅଞ୍ଚଳରେ ସାତଟି ବଡ଼ ହିଂସାତ୍ମକ ଘଟଣାରେ ଜଡିତ ଅଛନ୍ତି। ଓଡ଼ିଶାରେ ମାଓ ପ୍ରଭାବ ହ୍ରାସ କରିବାରେ ତାଙ୍କର ଗିରଫଦାରୀକୁ ଏକ ବଡ଼ ସଫଳତା ଭାବରେ ଦେଖାଯାଉଛି।
