ଗ୍ୟାସ ଲିକରୁ ଭୟାବହ ଅଗ୍ନିକାଣ୍ଡ , ଜଳିଗଲା ୬ ବଖରା

ଭଦ୍ରକ : ନିଆଁ ଲାଗି ଜଳିଗଲା ୬ ବଖରା ଘର । ବନ୍ତ ଥାନା ଓଡଙ୍ଗ ପଞ୍ଚାୟତ ସରମରା ଗାଁରେ ଅଗ୍ନିକାଣ୍ଡ । ରୋଷେଇ ଗ୍ୟାସ ଲିକ ହୋଇ ଅଗ୍ନିକାଣ୍ଡ ସୂଚନା ।କେବଳ ପିନ୍ଧା ଲୁଗାକୁ ଛାଡିଦେଲେ ନଷ୍ଟ ହୋଇଯାଇଛି ଲକ୍ଷାଧିକ ଟଙ୍କାର ସମ୍ପତ୍ତି ।
ଗତକାଲି ରାତିରେ କାଳନ୍ଦୀ ସାହୁଙ୍କ ପରିବାର ଲୋକ ଶୋଇଥିବାବେଳେ ହଠାତ୍ ଗ୍ୟାସ ଲିକ୍ ହୋଇ ଚାଳ ଘରେ ନିଆଁ ଲାଗିଯାଇଥିଲା । ଫଳରେ ପରିବାର ସଦସ୍ୟ ଜୀବନ ବିକଳରେ ଘରୁ ବାହାରକୁ ଦୌଡ଼ି ପଳାଇ ଆସିଥିଲେ । ଚାହୁଁ ଚାହୁଁ ଆଖି ଆଗରେ ଜଳି ପୋଡି ଛାରଖାର ହୋଇଗଲା ଘର । ଖବର ପାଇ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲା ।