ଭୁବନେଶ୍ୱର : ରାଜଧାନୀ ଭୁବନେଶ୍ୱରରେ ପ୍ରଥମ ନିର୍ବାଚନୀ ହିଂସା ଘଟଣା । ଆକ୍ସନ ମୋଡରେ କମିଶନରେଟ ପୋଲିସ । ଲକ୍ଷ୍ମୀସାଗର ଥାନା ପୋଲିସ ଦ୍ୱାରା ୧୨ ଅଭିଯୁକ୍ତ ଗିରଫ । ସୂଚନା ଅନୁଯାୟୀ, ଗତ ଶୁକ୍ରବାର ରାତିରେ ଦୁଇ ଗୋଷ୍ଠୀ ମଧ୍ୟରେ ନିର୍ବାଚନୀ ସଂଘର୍ଷ ଘଟିଥିଲା । ଗୋଷ୍ଠୀ ସଂଘର୍ଷରେ ଉଭୟ ଗୋଷ୍ଠୀର ୬ ଜଣ ଆହତ ହୋଇଥିଲେ । ସମସ୍ତ ଆହତଙ୍କୁ ଉଦ୍ଧାର କରି ମେଡିକାଲରେ ଭର୍ତ୍ତି କରାଯାଇଥିଲା । ଏବେ କମିଶନରେଟ୍ ପୋଲିସ ଘଟଣାରେ ଆକ୍ସନ ନେବା ଆରମ୍ଭ କରିଛି । ରାଜଧାନୀରେ ଏହି ନିର୍ବାଚନୀ ହିଂସା ଘଟଣାରେ ମୋଟ ୧୨ଜଣ ଅଭିଯୁକ୍ତଙ୍କୁ ଗିରଫ କରିଛି । ଆଉ କିଏ କିଏ ଏହି ଘଟଣାରେ ସାମିଲ ଅଛନ୍ତି । ତେବେ ସେନେଇ ମଧ୍ୟ ଛାନ୍ଭିନ୍ କରୁଛି କମିଶନରେଟ୍ ପୋଲିସ ।
