ବ୍ରହ୍ମପୁର : ବ୍ରହ୍ମପୁରରେ ରହୁଥିବା ଜଣେ ପାକିସ୍ତାନୀ ମହିଳାଙ୍କୁ ନୋଟିସ । ଟାଉନ ଥାନା ଅଞ୍ଚଳରେ ରହୁଥିବା ମହିଳାଙ୍କୁ ଦେଶ ଛାଡିବାକୁ ନୋଟିସ । ନୋଟିସ ସହ ମହିଳାଙ୍କ ଘରେ ପହଁଚି ଭିସା ଯାଞ୍ଚ କଲା ପୋଲିସ । ମିଲିଟାରୀ ଲାଇନ ବଡ ମସଜିଦରେ ରହୁଛନ୍ତି ମହିଳା ।ଓଡିଶାରେ ୨୫ ବର୍ଷରୁ ଅଧିକ ହେବ ପରିବାର ସହ ରହୁଛନ୍ତି । କିଛି ବର୍ଷ ପୂର୍ବେ ମହିଳାଙ୍କ ସ୍ୱାମୀଙ୍କ ମୃତ୍ୟୁ ହୋଇଛି । ମହିଳା ଜଣକ ନିଜ ସାନ ଝିଅ ସହ ଏଠାରେ ରହୁଛନ୍ତି । ୧୯୮୬ରେ ବ୍ରହ୍ମପୁର ବଡ଼ ମସଜିଦ ଲେନ ଅଞ୍ଚଳର ସୟାଦ ରିଆଉଜିଦିନଙ୍କୁ ବିବାହ କରିଥିଲେ । ତେବେ ସ୍ୱାମୀଙ୍କ ମୃତ୍ୟୁ ହୋଇଯାଇଥିବା ବେଳେ ତାଙ୍କର ତିନି ଝିଅ ଅଛନ୍ତି। ସେ ଏବେ ଟାଟା ନଗରରେ ନିଜ ଝିଅ ଘରକୁ ଯାଇଛନ୍ତି ।
ସେପଟେ ଆଜି ସରୁଛି ମେଡିକାଲ ଭିସାରେ ଥିବା ପାକିସ୍ତାନ ନାଗରିକ ଭାରତ ଛାଡିବାର ଡେଡ ଲାଇନ୍ । ଏପ୍ରିଲ ୨୭ରେ ଥିଲା ପାକିସ୍ତାନ ଫେରିବା ପାଇଁ ଡେଡ ଲାଇନ୍ । ଓଡ଼ିଶାରେ ୧୨ ପାକିସ୍ତାନ ନାଗରିକ ମଧ୍ୟରୁ କେବଳ ଭୁବନେଶ୍ଵରର ନଗମା ୟୁସୁଫ କରାଚି ଫେରିଛନ୍ତି । ଅନ୍ୟ ୧୧ ଜଣ ଓଡ଼ିଶାରେ ରହିଛନ୍ତି । ସମସ୍ତଙ୍କୁ ନୋଟିସ ଦିଆଯାଇଛି ।
