ଦେବଗଡ଼: ଆସନ୍ତା ପୌର ନିର୍ବାଚନ ପାଇଁ ରାଜ୍ୟ ରାଜନିତି ଚଳଚଞ୍ଚଳ ରହିଛି । ନିର୍ବାଚନକୁ ଦୃଷ୍ଟିରେ ରଖି ଲୋକମାନେ ଦଳ ଅଦଳ ବଦଳ ମଧ୍ୟ କରିବାରେ ଲାଗିଛନ୍ତି । ଏଥି ମଧ୍ୟରେ ଆଜି ବିଜେପି ଦଳରେ ସାମିଲ ହୋଇଛନ୍ତି ଦେବଗଡ଼ର ରାଜ ପରିବାର ସଦସ୍ୟମାନେ । ତେବେ ରାଜ ପରିବାରର ସଦସ୍ୟ ଗଙ୍ଗଦେବ ଓ ତାଙ୍କ ପତ୍ନୀ ମାଧବୀ କୁମାରୀ ଦେବୀ ବିଜେପିରେ ଯୋଗ ଦେଇଛନ୍ତି । ବିଜେପି ପକ୍ଷରୁ ଏକ ସାମ୍ବାଦିକ ସମ୍ମିଳନୀ କରି ଆନୁଷ୍ଠାନିକ ଭାବେ ବିଜେପିରେ ସାମିଲ ହୋଇଥିବା ନେଇ ସୂଚନା ଦିଆଯାଇଛି । ବିଜେପି ପକ୍ଷରୁ ମାଧବୀ କୁମାରୀ ଦେବୀଙ୍କୁ ଦେବଗଡ ପୌର ପରିଷଦ ଅଧ୍ୟକ୍ଷା ପାଇଁ ପ୍ରାର୍ଥୀ କରାଯିବ ବୋଲି ଘୋଷଣା କରାଯାଇଛି । ମୋଦିଜୀଙ୍କ ସୁଶାସନ ଏବଂ ଦଳର ଆଦର୍ଶରେ ଅନୁପ୍ରାଣିତ ହୋଇ ବିଜେପିରେ ସାମିଲ ହେବା ସହ ଆଗାମୀ ଦିନରେ ଲୋକଙ୍କ ପାଇଁ କାମ କରିବାର ସୁଯୋଗ ପାଇପାରିବି ବୋଲି ମାଧବୀ କୁମାର ଦେବୀ ପ୍ରକାଶ କରିଛନ୍ତି ।
