ମୟୂରଭଞ୍ଜ : ଶିମିଳିପାଳରେ ଆରମ୍ଭ ହେଲା ବାଘ ଗଣନା । ବନ ବିଭାଗ ପକ୍ଷରୁ ଏଥିପାଇଁ ୮ଟି ଦଳରେ ୮୫ ଜଣ କର୍ମଚାରୀଙ୍କୁ ନିୟୋଜିତ କରାଯାଇଛି । ଏଥିସହିତ ଗଛରେ ଲାଗିଛି ୩୫୦ରୁ ଅଧିକ ଟ୍ରାପ୍ କ୍ୟାମେରା । କ୍ୟାମେରା ଟ୍ରାପ୍, ଟ୍ରାନ୍ଜେକ୍ଟ ଲାଇନ ଓ ପଗ୍ ମାର୍କ ପାଦ ଚିହ୍ନ ଗଣନା ବ୍ୟତୀତ ଡିଜିଟାଲି ଏମ୍ସ୍ ଷ୍ଟ୍ରାଇପ୍ ପଦ୍ଧତ୍ତି ଗ୍ରହଣ କରିଛି ବନ ବିଭାଗ । ଯାହା ଦ୍ଵାରା ବାଘ ଗଣନା ସଠିକ ଭାବେ ହୋଇପାରିବ । ଏହି ପ୍ରକ୍ରିୟା ବିଭିନ୍ନ ପର୍ୟ୍ୟାୟ ଦେଇ ବର୍ଷତମାମ ଚାଲିବ । ଏହା ପରେ ଏନ୍ଟିସିଏକୁ ରିପୋର୍ଟ ଦିଆଯିବ ଏବଂ ୨୦୨୬ରେ ଗଣନା ରିପୋର୍ଟ ପ୍ରକାଶ ପାଇବ ବୋଲି ଶିମିଳିପାଳ ଟାଇଗର ରିଜର୍ଭ (ଏସ୍ଟିଆର୍) କର୍ତ୍ତୃପକ୍ଷ ସୂଚନା ଦେଇଛନ୍ତି । ପ୍ରତି ୪ ବର୍ଷରେ ଜାତୀୟ ବାଘ ଗଣନା ରିପୋର୍ଟ ପ୍ରକାଶ ପାଇଥାଏ ।
