ଯାଜପୁର: ମହାମାରୀ କରୋନା ପୁଣି ମୁଣ୍ଡ ଟେକିବାରେ ଲାଗିଛି । ସଂକ୍ରମଣକୁ ଆଖିଆଗରେ ରଖି ସରକାର ସ୍କୁଲ୍ କଲେଜ ବନ୍ଦ କରି ଅନଲାଇନ୍ରେ ପାଠ ପଢ଼ିବାକୁ ନିର୍ଦ୍ଦେଶ ଦେଇଥିଲେ । କ୍ରମଶଃ ସଂକ୍ରମଣର ସଂଖ୍ୟା ହ୍ରାସ ହେବାରୁ କୋଭିଡ୍ ଗାଇଡ୍ଲାଇନ୍ ପାଳନ କରି ଅଫ୍ଲାଇନରେ କ୍ଳାସ୍ କରିବାକୁ ନିର୍ଦ୍ଦେଶ କ୍ରମେ ପୁଣି ସ୍କୁଲ୍ କଲେଜ ସ୍ୱାଭାବିକ କରାଯାଇଥିଲା ।
ତେବେ ୧୮ ବର୍ଷରୁ କମ୍ ବୟସର ପିଲାମାନଙ୍କୁ ଟିକାକରଣ ହୋଇନଥିବା ବେଳେ ଆଜି ଯାଜପୁର ଜିଲ୍ଲା ଦଶରଥପୁର ବାଳିକା ପିଦ୍ୟାଳୟର ଷଷ୍ଠ ଓ ନବମ ଶ୍ରେଣୀର ୯ ଜଣ ଛାତ୍ରୀ କରୋନା ପୋଜିଟିଭ୍ ଚିହ୍ନଟ ହୋଇଛନ୍ତି । ଯାହାକି ଅବିଭାବକ ମହଲରେ ଚିନ୍ତା ବଢ଼ାଇଛି । ସଂକ୍ରମିତ ହୋଇଥିବା ଛାତ୍ରୀମାନଙ୍କୁ ଏକ ସ୍ୱତନ୍ତ୍ର ଆଇସୋଲେସନରେ ରଖାଯାଇ ଚିକିତ୍ସା କରାଯାଉଛି ।
ସୂଚନାନୁଯାୟୀ, ଦଶରଥପୁର ବିଦ୍ୟାଳୟରେ ମୋଟ ୧୯୫ ଜଣଙ୍କର କୋଭିଡ୍ ଟଷ୍ଟ କରାଯା ଇଥିଲା । ସେମାନଙ୍କ ମଧ୍ୟରୁ ୯ ଜଣ ପୋଜିଟିଭ୍ ନିହ୍ନଟ ହୋଇଥିଲେ । ଏନେଇ ମଙ୍ଗଳପୁର ମେଡିକାଲ କର୍ତ୍ତୃପକ୍ଷ ସୂଚନା ଦେଇଛନ୍ତି ।
