ଭୁବନେଶ୍ୱର: ନିଜକୁ ଡାକ୍ତରି ଛାତ୍ରର ପରିଚୟ ଦେଇ ୧୫୦ରୁ ଅଧିକ ଯୁବତୀଙ୍କୁ ଠକିବା ପରେ ଶେଷରେ ଧରା ପଟିଲା ଠକ ପ୍ରେମିକ । ଏହି ହାଇ ପ୍ରୋଫାଇଲ୍ର ଲୋଟେରା ପ୍ରେମୀକ ମାତ୍ର ଷଷ୍ଠ ଶ୍ରେଣୀ ଯାଏ ପାଠ ପଢ଼ିଥିବା ବେଳେ,ନିଜ ଫେସ୍ବୁକ୍ ପ୍ରୋଫାଇଲ୍ରେ ଏମକେସିଜି ର ଡାକ୍ତରୀ ଛାତ୍ର ବୋଲି ଉଲ୍ଲେଖ କରିଥିଲା । ଏହା ସହିତ ହାଇ ଷ୍ଟାଇଲ୍ର ପୋସାକ ସାଙ୍ଗକୁ ହିରୋମାର୍କା ଲୁକ୍ ଦେଖି ଝିଅମାନେ ବି ତା ପ୍ରେମରେ ପାଗଳ ହୋଇଯାଉଥିଲେ । ଏହାର ସୁଯୋଗ ନେଇ ପ୍ରେମୀକ ଜଣକ ସେହି ଝିଅମାନଙ୍କୁ କେତେବେଳେ ମଲ୍ ନେଇ ଯାଉଥିଲା ତ କେତେବେଳେ ହୋଟେଲ୍ । ମଲ୍ ନେଇ ଝିଅମାନଙ୍କୁ ଭଳିକି ଭଳି ଡ୍ରେସ୍ ଗିଫ୍ଟ କରିଥାଏ । ଯାହାକୁ କିଣିକା ପୂର୍ବରୁ ଝିଅମାନେ ଟ୍ରାଏଲ୍ ପାଇଁ ପ୍ରେମୀକ ହାତରେ ମୋବାଲ୍ ଓ ପର୍ସ ଧରାଇଦେଇ ଟ୍ରାଏଲ୍ ରୁମ୍କୁ ଯାଇଥା’ନ୍ତି । ଏହି ସୁଯୋଗରେ ମୋବାଇଲ୍ ଓ ପର୍ସ ଧରି ଚମ୍ପଟ ମାରିଥାଏ ଏହି ଠକ ପ୍ରେମୀକ ।
ସେହିପରି ହୋଟେଲକୁ ଭଳିକି ଭଳି ସୁସ୍ୱାଦୁ ଖାଦ୍ୟ ଖୁଆଇବାକୁ ତଥାକଥିତ ପ୍ରେମିକାଙ୍କୁ ନେଇ ଯାଉଥିଲା । ଏପରିକି ଯୁବତୀଜଣକ ମଝିରେ ୱାଶରୁମ୍କୁ ଯିବା ବେଳେ ଏହି ସୁଯୋଗକୁ ହାତ ଛଡ଼ା କରି ନଥାଏ । ସମ୍ପୃକ୍ତ ଯୁବତୀଙ୍କ ମୋବାଇଲ, ପର୍ସ ଧରି ଏରିଆ ଛାଡ଼ି ଚମ୍ପଟ ମାରିଥାଏ । ପ୍ରେମ ଜାଲରେ ଫସାଇ ପାଖାପାଖି ଦେଢଶରୁ ଅଧିକ ଯୁବତୀଙ୍କୁ ଏପରି ଲୁଟି ସାରିଛି ଏହି ଠକ ପ୍ରେମୀକ ।
ସୂଚନନୁଯାୟୀ, ଏହି ନକଲି ଡାକ୍ତରୀ ଛାତ୍ର ଜଣକୁ ହେଲେ କଟକ ଜିଲ୍ଲା ବଡ଼ମ୍ବା ଅଞ୍ଚଳର ପ୍ରଭାସ ରାଜ । ଯାହା ନାମନେ ଏହି ଲୁଟ୍ ଅଭିଯୋଗ ପରେ ସହିଦ ନଗର ପୋଲିସ୍ ଗିରଫ କରିଛି । ପୂର୍ବରୁ କଟକ ବାଦାମବାଡ଼ି ଓ ଜଗତପୂର ଥାନାରେ ଏକାଧିକୁ ମାମଲା ରହିଥିବା ବେଳେ ତିନି ଥର ଗିରଫ ମଧ୍ୟ ହୋଇ ସାରିଛି ।
