କନ୍ଧମାଳ : ଜଗନ୍ନାଥ ମନ୍ଦିରରୁ ଚୋରି । ପ୍ରାୟ ପନ୍ଦର ଲକ୍ଷରୁ ଉଦ୍ଧ୍ୱର୍ ଅଳଙ୍କାର ଓ ଟଙ୍କା ଚୋରି ହୋଇଥିବା ଅଭିଯୋଗ ହୋଇଛି । କନ୍ଧମାଳ ଜିଲ୍ଲା ଫୁଲବାଣୀ ସଦର ମହକୁମା ଠାରେ ରହିଛି ଶ୍ରୀ ଜଗନ୍ନାଥଙ୍କ ମନ୍ଦିର । ପ୍ରତି ଦିନ ପରି ମନ୍ଦିରର ବଡ ପଣ୍ଡା ଭୋର ସକାଳ ୫ଟା ସମୟରେ ମନ୍ଦିରକୁ ପୂଜାର୍ଚ୍ଚନା କରିବା ପାଇଁ ଯାଇଥିଲେ । ଏହି ସମୟରେ ମନ୍ଦିର ଭିତରେ ଦାନ ହୁଣ୍ଡି ବାକ୍ସ ନଥିବା ଦେଖିଥିଲେ ପୂଜକ । ପରେ ମନ୍ଦିରର ମୁଖ୍ୟ କବାଟ ତାଲା ଭାଙ୍ଗି ସିଂହାସନରେ ରହିଥିବା ତିନି ଠାକୁରଙ୍କ ଚିତା ଓ ସୁନା ଅଳଙ୍କାର ନଥିବା ଦେଖି ମୂଖ୍ୟ ପୂଜକ ସ୍ତବ୍ଧ ହୋଇ ପଡିଥିଲେ । ଏସବୁ ଦେଖିବା ପରେ ପୂଜକ ତୁରନ୍ତ ମନ୍ଦିର ସଭାପତି ଓ ମନ୍ଦିର ପରିଚାଳନା କମିଟର ସମସ୍ତ ସଦସ୍ୟଙ୍କୁ ଜଣାଇଥିଲେ । ମନ୍ଦିରରୁ ଚୋରି ଘଟଣାକୁ ନେଇ ଫୁଲବାଣୀ ଟାଉନ୍ ଥାନାରେ ପରିଚାଳନା କମିଟି ପକ୍ଷରୁ ଅଭିଯୋଗ କରାଯାଇଛି । ଅଭିଯୋଗ କ୍ରମେ ଫୁଲବାଣୀ ଟାଉନଥାନା ଅଧିକାରୀ ଘଟଣା ସ୍ଥଳରେ ପହଞ୍ଚି ମନ୍ଦିରର ମୁଖ୍ୟ ତାଲା ଭାଙ୍ଗି ଥିବା ଓ ଭକ୍ତଙ୍କ ଦାନ ହୁଣ୍ଡି ବାକ୍ସର ତାଲାକୁ ଭାଙ୍ଗି ମନ୍ଦିର ପଛପଟେ ପକାଇଥିବା ଘଟଣା ଦେଖି ସନ୍ଧାନୀ କୁକୁରର ସହାୟତା ନେଇ ଘଟଣାର ଛାନଭିନ୍ କରି ତଦନ୍ତ ଜାରି ରଖିଛନ୍ତି ।
