ଗୁଣୁପୁର : ଓଲଟିଲା ଇଟା ବୋଝେଇ ଟ୍ରାକ୍ଟର । ରାୟଗଡା ଜିଲ୍ଲା ଗୁଣୁପୁର ଥାନା ଗୁଲୁମୁଣ୍ଡା ପାକା ନିକଟରେ ଘଟିଛି ଦୁର୍ଘଟଣା । ଇଟା ବୋଝେଇ ଟ୍ରାକ୍ଟର ଓଲଟି ୩ ଜଣ ଶ୍ରମିକଙ୍କ ଜୀବନଯାଇଛି । ଦ୍ରୁତ ଗତିରେ ଯାଉଥିବା ଟ୍ରାକ୍ଟର ରାସ୍ତାକଡ଼ରେ ଭାରସାମ୍ୟ ହରାଇ ଓଲଟି ପଡ଼ିଥିଲା। ଇଟା ଧରି ଗୁଲୁମୁଣ୍ଡା ପାକା ନିକଟ ଇଟା ଫ୍ୟାକ୍ଟ୍ରିରୁ ଇଟା ବୋଝେଇ କରି ଗୁଣୁପୁର ଅଭିମୁଖ ଯାଉଥିଲା। ଦୁର୍ଘଟଣାରେ ୪ ଗୁରୁତର ରହିଥିବା ସୁଚନା ମିଳିଛି। ମୃତ ଶ୍ରମିକମାନେ ଟ୍ରାକ୍ଟର ଡାଲା ତଳେ ଚାପି ହୋଇ ରହିଥିଲେ। ଘଟଣାସ୍ଥଳରେ ପୁଲିସ୍ ପହଞ୍ଚି ଶବକୁ ଉଦ୍ଧାର କରିବା ସହ ତଦନ୍ତ ଚଳାଇଛି। ସମସ୍ତ ଶ୍ରମିକ ଗୁଣୁପୁର ବ୍ଲକ୍ ଅମ୍ପରା ଗ୍ରାମର ବୋଲି ସୂଚନା ମିଳିଛି।
