ଶ୍ରୀହରିକୋଟା : ଉପଗ୍ରହ ଉତକ୍ଷେପଣରେ ଇସ୍ରୋର ଶତକ । ଏନଭିଏସ-୦୨ ସାଟେଲାଇଟର ସଫଳ ଉତକ୍ଷେପଣ କରିଛି ଇସ୍ରୋ । ଶ୍ରୀହରିକୋଟା ଜିଏସଏଲଭି ରକେଟ ମାଧ୍ୟମରେ ଏହାକୁ ମହାକାଶକୁ ପଠାଯାଇଛି । ସତୀଶ ଧାବ୍ୱନ ମହାକାଶ ଗବେଷଣା କେନ୍ଦ୍ରରୁ ନାଭିଗେସନ ସାଟେଲାଇଟ ଏନଭିଏସ-୦୨ ଲଂଚ କରି ଭାରତ ମହାକାଶ ଗବେଷଣା କ୍ଷେତ୍ରରେ ଆଉ ଏକ ମାଇଲ ଖୁଣ୍ଟ ଅତିକ୍ରମ କରିଛି । ନାଭିକ ହେଉଛି ଭାରତର ରିଜିଓନାଲ ନାଭିଗେସନ ସାଟେଲାଇଟ ସିଷ୍ଟମ । ଏହା ଆମେରିକାର ଜିପିଏସ ଭଳି କାର୍ଯ୍ୟ କରେ । ୧୯୭୯ ମସିହା ଅଗଷ୍ଟ ୧୦ ତାରିଖରୁ ଭାରତର ମହାକାଶ ଅଭିଯାନ ଆରମ୍ଭ ହୋଇଥିଲା । ପ୍ରଥମ ଲଞ୍ଚର ୪୬ ବର୍ଷ ପରେ ଭାରତ ଶହେତମ ସାଟେଲାଇଟ୍ ଲଂଚ କରିଛି।
