ବାଲେଶ୍ୱର : ବାଲେଶ୍ବର ଜିଲ୍ଲା ଭୋଗରାଇ ଥାନା ପକ୍ଷରୁ ଚଢଉ କରାଯାଇ ୨ ବ୍ରାଉନ ସୁଗାର ବେପାରୀଙ୍କୁ ଗିରଫ କରାଯାଇଛି। ଏନେଇ ଭୋଗରାଇ ଥାନାରେ ୩୩/୨୫ ମାମଲା ରୁଜୁ ହୋଇଛି। ସୂଚନାଯୋଗ୍ୟ, ଭୋଗରାଇ ଥାନା ଆଇଆଇସି ସୁଦୀପ୍ତ କୁମାର ସାହୁ ବିଶେଷ ସୂତ୍ରରୁ ଖବର ପାଇ ସୋମବାର ପୂର୍ବାହ୍ନ ୯ଟା ୩୦ ସମୟରେ ଜଳେଶ୍ଵର-ଚନ୍ଦନେଶ୍ବର ୫୭ ନମ୍ବର ରାଜ୍ୟ ରାଜପଥ ବାଟଗ୍ରାମଠାରେ ୨ ଜଣଙ୍କଠାରୁ ୨୪ ଗ୍ରାମ୍ ୭୫ ମିଲିଗ୍ରାମ୍ ବ୍ରାଉନ ସୁଗାର ଜବତ କରିଛନ୍ତି। ଯାହାର ଆନୁମାନିକ ମୂଲ୍ୟ ୨ ଲକ୍ଷ ୫୦ ହଜାର ଟଙ୍କାର ହେବ ବୋଲି ଜଣାପଡ଼ିଛି। ଅଭିଯୁକ୍ତମାନେ ହେଲେ ଦେହୁଡଦା ଗ୍ରାମର ରାଜକିଶୋର ସାହୁ (୨୮) ଓ ମହେଶପୁର ଗ୍ରାମର ପବିତ୍ର ନାୟକ (୧୯)ଙ୍କୁ ଗିରଫ କରାଯାଇଥିଲା ବେଳେ ବୁଲେଟ ମୋଟର ସାଇକେଲ ଜବତ କରାଯାଇଛି।
