ଭଞ୍ଜନଗର : ପିକଅପ ଭ୍ୟାନ ଧକ୍କାରେ ଚାଲିଗଲା ଜଣଙ୍କ ଜୀବନ । ଘର ସମ୍ମୁଖରେ ଘଟିଛି ଏହି ଦୁର୍ଘଟଣା । ଭଞ୍ଜନଗର ଗାଙ୍ଗପୁର ଥାନା କେଶରାପଲ୍ଲୀ ଗାଁରେ ଭୋର ସମୟରେ ଘଟିଛି ଦୁର୍ଘଟଣା । ଭଂଜନଗରରୁ ଆସିକା ଅଭିମୁଖେ ଯାଉଥିବା ଏକ ପରିବା ବୋଝେଇ ପିକଅପ୍ ଭ୍ୟାନ୍ ରାସ୍ତା କଡ଼ରେ ଥିବା ଏକ ନଳକୂଅକୁ ଧକ୍କା ଦେଇ ଓଲଟି ପଡ଼ିଥିଲା ।ମୃତକ ଜଣକ କେଶରାପଲ୍ଲୀ ଗାଁର ସିମାଞ୍ଚଳ ସ୍ବାଇଁ । ଏହି ସମୟରେ ନଳକୂଅରୁ ସିମାଞ୍ଚଳ ସ୍ବାଇଁ ପାଣି ନେଉଥିଲେ । ପିକଅପ୍ ଭ୍ୟାନ୍ ଓଲଟିପଡିବା ଯୋଗୁ ଘଟଣା ସ୍ଥଳରେ ହିଁ ସିମାଞ୍ଚଳଙ୍କ ମୃତ୍ୟୁ ହୋଇଥିଲା । ଘନ କୁହୁଡି ସହ, ବେପରୁଆ ଏବଂ ଦ୍ରୃତ ଗାଡି ଚାଳନା ଯୋଗୁଁ ଏଭଳି ଦୁର୍ଘଟଣା ହୋଇଥିବା ଅଭିଯୋଗ କରି ସ୍ଥାନୀୟ ଲୋକ ରାସ୍ତାରୋକ କରିଥିଲେ ।
