ମୁମ୍ବାଇ : ମୁମ୍ବାଇ ଗେଟୱେ ଅଫ ଇଣ୍ଡିଆ ଠାରୁ ଏଲିଫାଣ୍ଟା ଦ୍ୱୀପକୁ ପ୍ରାୟ ୧୧୦ ଯାତ୍ରୀଙ୍କୁ ନେଇ ଆରବ ସାଗରରେ ଯାଉଥିବା ଏକ ଯାତ୍ରୀବାହୀ ବୋଟ ବୁଡିଯାଇଛି । ନିୟନ୍ତ୍ରଣ ହରାଇ ଯାତ୍ରୀବାହୀ ବୋଟ ସହ ପିଟି ହୋଇ ବୁଡିଯାଇଥିଲା । ନୈାସେନାର ଏକ ସ୍ପିଡ ବୋଟ ଇଞ୍ଜିନ ପରୀକ୍ଷଣ ବେଳେ ଏପରି ଦୁର୍ଘଟଣା ଘଟିଛି । ତେବେ ଏହି ଘଟଣାକୁ ନେଇ ନୂଆ ନୂଆ ତଥ୍ୟ ସାମ୍ନାକୁ ଆସୁଛି । ତେବେ ଏହି ଡଙ୍ଗାରେ ଯାଉଥିବା ଯାତ୍ରୀ ମାନେ ପ୍ରକାଶ କରିଛନ୍ତି ଯେ ସେମାନଙ୍କୁ ଲାଇଫ ଜ୍ୟାକେଟ ଯୋଗାଇ ଦିଆଯାଇ ନଥିଲା । ଯାତ୍ରୀଙ୍କ ଅଭିଯୋଗକୁ ଭିତ୍ତି କରି ପୁଲିସ ଏବେ ନୈାସେନାର ବୋଟ ଚାଳକଙ୍କ ବିରୋଧରେ ଏକ ମାମଲା ରୁଜୁ କରିଛି । ଏହି ଦୁର୍ଘଟଣାରେ ନୈାସେନାର କର୍ମଚାରୀଙ୍କ ସହ ୧୩ ଜଣଙ୍କର ଜୀବନ ଯାଇଛି । ୧୦୧ ଜଣଙ୍କୁ ଉଦ୍ଧାର କରାଯାଇଛି । ଏହି ଦୁର୍ଘଟଣାରେ ମୃତକଙ୍କ ପିଛା ୫ ଲକ୍ଷ ଟଙ୍କା ଲେଖାଏଁ ସହାୟତା ଘୋଷଣା କରାଯାଇଛି । ତେବେ ସୂଚନା ଅନୁଯାୟୀ ଗତକାଲି ଅପରାହ୍ନ ୩ଟା ୧୫ ମିନିଟ ବେଳେ ନିଳକମଳ ନାମକ ବୋଟରେ ଯାତ୍ରୀ ମାନେ ଏଲିଫାଣ୍ଟା ଦ୍ୱୀପକୁ ଯାତ୍ରା ଆରମ୍ଭ କରିଥିଲେ । ଦ୍ୱୀପ ଠାରୁ ଅନତି ଦୂରରେ କରଞ୍ଜା ନିକଟରେ ବୋଟଟିକୁ ନୈାସେନାର ଏକ ସ୍ପିଡ ବୋଟ ଧକ୍କା ଦେଇଥିଲା । ସ୍ପିଡ ବୋଟରେ ୪ ଜଣ ନୈାସେନା କର୍ମଚାରୀ ଥିଲେ ।
