ଇମ୍ଫାଲ : ସ୍ବାଭାବିକ ହେଉଛି ମଣିପୁର ସ୍ଥିତି। ହିଂସା କାରଣରୁ ମଣିପୁରରରେ ବନ୍ଦ ଥିବା ବିଶ୍ବବିଦ୍ୟାଳୟ ସମେତ ସ୍କୁଲ ଓ କଲେଜ ଖୋଲିବ। ପ୍ରାୟ ଦୁଇ ସପ୍ତାହ ପରେ ଆଜିଠାରୁ ଖୋଲିବ ଶିକ୍ଷା ପ୍ରତିଷ୍ଠାନ। ଏନେଇ ସମସ୍ତ ଜିଲ୍ଲା ଓ ଜୋନାଲ ସ୍ତରୀୟ ଅଫିସରଙ୍କୁ ନିର୍ଦ୍ଦେଶ ଦିଆଯାଇଛି। ସରକାରଙ୍କ ନିଷ୍ପତ୍ତି ଫଳରେ ସମସ୍ତ ସରକାରୀ, ବେସରକାରୀ ସ୍କୁଲ ଆଦି ଖୋଲିବ। ରାଜ୍ୟ ଗୃହ ବିଭାଗ ସହ ଆଲୋଚନା ପରେ ଏହି ନିଷ୍ପତ୍ତି ନିଆଯାଇଛି। ଇମ୍ଫାଲ ପଶ୍ଚିମ, ଇମ୍ଫାଲ ପୂର୍ବ, ଥୋବାଲ, ବିଷ୍ଣୁପର, କାକଚିଙ୍ଗ ଓ ଜିରିବାମରେ ହିଂସା ଦେଖାଦେବା ପରେ ସ୍କୁଲ କଲେଜ ବନ୍ଦ ଲାଗି ସରକାର ନିଷ୍ପତ୍ତି ନେଇଥିଲେ। ସେପଟେ ରାଜ୍ୟରେ ହିଂସା ପ୍ରତିବାଦରେ ବିଭିନ୍ନ ସ୍ଥାନରେ ସଭା କରାଯାଇଛି।
