ଭୁବନେଶ୍ୱର : ବିଜେଡିକୁ ନେଇ ଢାଲିଙ୍କ ମନ୍ତବ୍ୟରେ ଘିଅ ଢାଳିଲେ ଅମର ଶତପଥୀ । ଦଳର ଆମୂଳଚୂଳ ସଂଗଠନ ଠିକ ନ କଲେ ଆଗକୁ ଅନେକ ଅଘଟଣ ଘଟିବ । ଆମ ସମସ୍ତଙ୍କର ଏ ଦିଗରେ ଅନୁଭବ ରହିଛି । ସଂଗଠନ ଠିକ କରିବାକୁ ପ୍ରଚେଷ୍ଟା ଆରମ୍ଭ ହୋଇଛି , ଦେଖାଯାଉ କଣ ହେଉଛି । ତେବେ ମମତା ମହାନ୍ତ ବିଜେପିରେ ମିଶିବାକୁ ନେଇ ବିଜେଡିକୁ ଟାର୍ଗେଟ କରିଥିଲେ ବିଜେପି ନେତା ଆରବିନ୍ଦ ଢାଲି । । ବିଜେଡି ବସା ଖାଲି ହୋଇଯିବ କହଥିିଲେ ଢାଲି । ଭବିଷ୍ୟତରେ ବିଜେଡି ରହିବନି , ଚାହିଁଲେ ବି ରଖିପାରିବେନି । ଜୟଦେବ ନିର୍ବାଚନ ମଣ୍ଡଳୀର ପୂର୍ବତନ ବିଧାୟକ ଅରବିନ୍ଦ ଢାଲି କହିଛନ୍ତି ଯେ, ଭବିଷ୍ୟତରେ ବିଜେଡି ଆଉ ରହିବନି, ଖଣ୍ଡବିଖଣ୍ଡିତ ହେଇଯିବ । ବିଜେଡି ବସା ଖାଲି ହେଇଯିବ । ହେଲେ ବିଜେପି ହେଉଛି ଜାତୀୟ ଦଳ । ଜାତୀୟ ଦଳର କେବେ ବି ବିଲୟ ହୁଏନି ବୋଲି କହିଛନ୍ତି ଅରବିନ୍ଦ ଢାଲି। ୨୫ ବର୍ଷ ଶାସନରେ ବିଜେଡି କିଛି କରିପାରିନଥିଲା । ଏବେ ବିଜେପି ନିଜ ପ୍ରତିଶ୍ରୁତି ମୁତାବକ କାମ କରୁଛି । ମୁଖ୍ୟମନ୍ତ୍ରୀ ମୋହନ ମାଝୀ ଲୋକଙ୍କ ଅଭିଯୋଗ ଶୁଣିବା ସହ ୨୪ ଘଣ୍ଟା କାମ କରୁଛନ୍ତି । ସବୁ କାମ ଦ୍ରୁତ ଗତିରେ ଆଗେଇ ଚାଲିଛି । ଏ ସରକାର ୫ ବର୍ଷ ଭିତରେ ସବୁ ପ୍ରତିଶ୍ରୁତି ପୂରଣ କରିବ ବୋଲି ସେ କହିଛନ୍ତି ।
