ଭଦ୍ରକ: ପାରିବାରିକ କଳହରୁ ଧରା ପଡ଼ଲା ସତ । ଚୋରା ବନ୍ଧୁକ ରଖିବା ଅଭିଯୋଗରେ ଜଣେ ନକଲି ସାମ୍ବାଦିକକୁ ଗିରଫ କରିଛି ପୋଲିସ । ଏପରି ଏକ ଘଟଣା ଦେଖିବାକୁ ମିଳିଛି ଭଦ୍ରକ ଜିଲ୍ଲା ବାସୁଦେବପୁର ଅଞ୍ଚଳରେ । ବାସୁଦେବପୁର ପୌରପାଳିକା ସୁଙ୍ଗୁଡ଼ାରେ ସେକ୍ ସଲ୍ଲାମୁଦ୍ଦିନ୍ ଓ ତାଙ୍କ ପୁଅ ସକିଲ ମଧ୍ୟରେ କୌଣସି କାରଣରୁ ପାରିବାରିକ କଳହ ଲାଗିଥିଲା । ଏହି କଳହରେ ଉତ୍ତେଜିତ ହୋଇ ସକିଲ ଡରାଇବାକୁ ନିଜ ପାଖରେ ରଖିଥିବା ଏକ ଚୋରା ବନ୍ଧୁକ ବାହାର କରି ଦେଖାଇ ଥିଲେ । ଏନେଇ ସକିଲଙ୍କ ଭାଉଜ ସଜଦା ବିବି ବାସୁଦେବପୁର ଥାନାରେ ଏକ ଲିଖିତ ଅଭିଯୋଗ କରିଥିଲେ । ସେହି ଅଭିଯୋଗ ଆଧାରରେ ପୋଲିସ ସକିଲକୁ ଗିରଫ କରିବା ସହ ତାଙ୍କ ପାଖରେ ରଖିଥିବା ଚୋରା ବନ୍ଧୁକ ଓ ଗୋଟିଏ ଖୋକା ଜବତ କରିଛି ।
ତେବେ ଅଭିଯୁକ୍ତ ସକିଲ ପେଶାରେ ଜଣେ ଗୁଆ ବେପାରୀ । ସେ ଗୁଆ କାଟି ବେପାର କରନ୍ତି । ଏଥି ସହ ଏକ ୟୁଟ୍ୟୁବ୍ ସାମ୍ବାଦିକ କହି ବୁମ୍ ଓ କାର୍ଡ ଧରି ବୁଲୁଥିଲେ । ଏ ନେଇ ପୋଲିସ ସକିଲକୁ ଅଟକ ରଖି ପଚରାଉଚରା ଜାରି ରଖିଛି ।
